San Łuca evangełista

Da Wikipedia, l'ençiclopedia libara.
Jump to navigation Jump to search
'Sto artìcoło el 'é scrito doparando ła grafìa dita GVU
San Łuca Evangełista, dipinto del Guercino

Łuca evangełista (in grèco Λουκάς (Lucas)) (Antiochia, Siria, ? - ?, ?), el xe venerà come santo da łe cexe catòłica e ortòdosa, el xe ł'autore de 'l Vangeło secondo Łuca e de i Ati de i Apostołi, el terso e el cuinto libro de 'l Novo Testamento. Par i catoleghi el xe el santo patrono de i artisti e de i dotori, e se festejà el 18 de otobre. El vien venerà anca da ła Cexa copta.

Vita[canbia | canbia el còdexe]

Łuca el gèra nato a Antiochia da fameja pagana, e faxeva el dotore. A Antiochia, Łuca el ga conosesto Pagoło de Tarso.

Łuca el gaveva na bòna cultura: el parlava e el scriveva bèn in grèco.

Łuca el sènte parlar par ła prima vòlta de Gexù 'ntel 37 d.C., donca no 'l ga mai conosesto Gexù se no tràmite i raconti de i apostàłi e de altri testimòni.

El xe mòrto a ł'età de 84 ani e el sarìa stà sepolto a Tebe, capitałe de ła Beoxia.

I so rèsti i se cata adèso a Pàdova, 'nte ła Baséłega de Santa Giustina.