Boxe

Boxe

Dati
Sorte	sorte de sport spectator sport (en)
Formà da	amateur boxing (en) pugilato professionale (it)

Ła boxe (da l'inglezo boxing) o anca conosesto cofà puziłato o puziłà (dal latin pugilatus a so volta da pugil o sia pugno) el ze uno dei pì antighi e conosesti sport da conbatimento. A liveło conpetitivo se fa inte l'interior de na superfise cuadra ciamada ring, intrà du atleti che i se fronteja a colpi de pugni sarai (protezesto da guantoni), col fin de indebołire e butar par tera l'aversàrio par na determenada durada de tenpo.

Descrision

Ła boxe amatoriałe ła ze na conpetision de rinlevansa ołìnpega (vegnindo prategada anca inte i Zughi del Commonwealth), e che ła ga i so canpionai mondiałi. In sto cazo i scontri i gnen organizai su na distansa che ła va da uno a tre round.

El scontro finise prima de łe repreze prevedeste cuando che l'arbitro el stabiłise che uno dei du contendenti no el sìpia pì bon de conbàtare, co che el vien scuałifegà da l'arbitro o cuando che el se rende (el denomenà "zeto de ła spugna"). Se el conbatimento se slonga finmente a finir i round prevedesti, ła vitòria ła vien determenada dal puntejo atribuio dai zùdezi, andove che el vinsitore el sarà chi che el ga totałizà pì ponti. Inte el cazo inte el cuało el pontejo el sìpia conpagno intrà i du sfidanti, ghe ze na defarensa de regołamento dipendindo dal tipo de scontro desputà: inte el cazo de un scontro amatoriałe (cofà inte el cazo de łe Ołinpìade), i zùdezi i atribuise isteso ła vitòria a uno dei du contendenti bazàndose so un zudìsio tècnego; inte el cazo de un scontro intrà profesionisti el rezultà el ze cueło là de un parejo.

Istòrego

Se i èsari umani i ga metesto in pràtega l'arte del conbatimento co łe man finmente dal scumìsio de ła istòria: łe prime evidense stòreghe de scontri de boxe sportiva łe ze stae catae-fora inte el Oriente Pròsimo e derivanti dal III e dal II miłènio v.C. sirca.

La documentasion pì antiga de un vero e pròpio regołamento de boxe el ze derivante da l'Antiga Gresa, co che el puzilà el vegnea metesto in pràtega inte el ndar dei zughi ołìnpeghi antighi del 688 v.C.. El puziłato el se ga de sevente evolvesto intrà el XVI e el XVIII secoło, soratuto in Gran Bretagna, co l'emersion de scontri che i metea in prèmio na butada-posta de schei, finmente rivar a ła metà del XIX secoło, co che, inte el 1867, el zera vegnesto introduzesto el regołamento del Marcheze de Queensbery.

Altri projeti

Altri progetti

• Wikimedia Commons

• Wikimedia Commons el detien imàjini o altri file so boxe
• el detien schemi gràfeghi so

Linganbi foresti

• pugilatoTreccani.it – Enciclopedie on line, Istituto de ła Ençiclopedia Italiana.
• Alessandro Capriotti, PUGILATO, in Ençiclopedia Italiana, IX Appendice, Istituto de ła Ençiclopedia Italiana, 2015.
• Alessandro Capriotti, PUGILATO, in Ençiclopedia Italiana, VII Appendice, Istituto de ła Ençiclopedia Italiana, 2007.
• Gioacchino Mancini e Pietro Petroselli -, PUGILATO, in Ençiclopedia Italiana, Istituto de ła Ençiclopedia Italiana, 1935.
• (EN) Arthur Krystal, Michael Poliakoff, E.C. Wallenfeldt, Nigel Collins, Jeffrey Thomas Sammons, Ron Olver e Thomas Hauser, boxingEnçiclopedia Britannica, Encyclopædia Britannica, Inc.
• (EN, FR) BoxeEnçiclopedia canadese.