Punk

El Punk el xe na paroła inglese (che come agetivo el vol dir "de scarsa quaità, da do schei") nato par identificar na sotocultura giovaniłe nata inte el Regno Unìo e nei USA. a metà degi ani setanta.

Origine del termine

El termine el vien da ła musica punk, o mejo punk rock, na musica ruja, rumorosa, poco difisie e direta, nata a metà ani setanta in Inghiltera e nei Stati Uniti co grupi come i Ramones, i Sex Pistols, i Dead Boys, The Damned o i Clash e portada vanti oncora dopo nei ani a venir fin unquò cołe rełative evołussion.

A storia tanto difissiłe del movimento punk gà influensà massa forme d'arte e aspeti culturai in genere, da ła musica ała łeteratura, da łe arti visive ała moda.

Storia

Ła musica punk scomissa a nassar nei primi ani setanta neła East Coast dei Stati Uniti, in particołar a New York e Detroit. A corente parò no ła jera ncora conossuaa come punk rock, visto che el termine nasse qualche ano dopo. Sto movimento musicałe jera quindi identificà come na continuassion del garage rock dei ani sesanta, genere rujo e diretto, rispeto a altri generi de rock & roll. El genere podeva esar definio anca come hard rock, infati grupi come MC5, The Stooges o Patti Smith i jera musicisti che i se rifaxeva in parte a queło stiłe. Tra i pì noti grupi proto-punk i và ricordai The Stooges, MC5, Iggy Pop, New York Dolls, Talking Heads, Television, Blondie, Devo, Patti Smith e altri. I gruppi in question i jera quindi riconossui come garage rock, hard rock, glam rock o rock & roll. Alcuni grupi dei primi ani setanta infati, i gaveva aspeti glam rock, soratuto i New York Dolls, po Iggy Pop, ma anca David Bowie, Roxy Music e altri. Sta prima fase ła sarà ciamada "proto-punk", parché sti grupi i conotava ełementi stiłistici tipici del punk rock, oncora prima de ła so nascita e quindi del so riconosimento.

El termine punk rock nasse verso i metà ani setanta, intrà i primi a esar ciamai in sto modo i sarà i Ramones, nati inte el 1974. Come tanti altri gruppi dea corente, i Ramones i gaveva ełementi trati da el garage rock, surf, british invasion e pi generalmente rock & roll, unii a sonorità ruje, distorte e sensa tecnica strumentale. Nassarà anche altre band come The Heartbreakers de Johnny Thunders (ex membro dełi New York Dolls), i Dead Boys e The Voidoids de Richard Hell (vero inventor del modo de vestir punk britanico). Sta ondada, riconossua come prima ondada punk rock, vegnarà identificada come Punk 77, che vol dir l'ondada de grupi punk rock, sviłupai verso ła seconda metà dei ani setanta. Sta ondada comprenderà grupi de diverse nassionałità, ma sorattutto statunitensi e britanici.

Punk britanico

Gruppi definii "proto-punk", i iera presenti anca inte el Regno Unito, ad esempio 101'ers (dove miłitava Joe Strummer prima de aprodar ai Clash), David Bowie, Roxy Music o The Who. Sti grupi qua parò i iera pi viçini a altre corenti, come el glam rock, el progresive rock, el pub rock o eła british invasion. In sto senso, non łe sarà considerae a tuti i efeti band seminałi par el sviłupo del punk rock, o almanco no pi importanti dei łori cołeghi statunitensi che gaveva łe sonorità tipiche zà in precedensa.

Anca se el punk musicalmente no el nase inte el Regno Unito, el xe el logo dove che el ga sviłupà el look e pì tardi ła ideołogia vera e propria. Trałasando i grupi precedenti, queła che sarà conossua come ła version clasica del punk britanico nasse grassie ała coaborassion de un manager, Malcolm McLaren. McLaren el jera xà stà manager dei New York Dolls nei primi ani setanta nei Stati Uniti, ma el torna casa poco dopo e el verxe un negosio de abijiamento coła mujer stiłista Vivienne Westwood. El negossio, ciamà "Sex", chel vendeva articołi particołari, sadomaso o comunque alternativi e in controtendensa. Inte el 1975, McLaren el gà a xeniae idea de ragrupar alcuni tosi tra i comessi del posto, frequentatori e conosenti, mexi tepisti del quartier, par fondar un nuovo grupo musicałe da łe carateristiche provocatorie e ruje. Iù insieme ała mujer, el ga studià el abijamento par ła band, e cusì nase verso ła fin del 1975 i Sex Pistols.

El look el iera composto da vestii strapai, cołorai, cavei curti, strafantai e de frecuente cołorai, indumenti sadomaso-fetish, giubini e braghe in pełe, caene, borchie, spiłe da balia, łuchetti usai come cołane, cołari borchiai, svastiche (al soło scopo de scandaixar) e tuto queło che de apparisente e provocatorio se podeva trovar.

Se scoprirà po che el look el jera stà "copià" da queło del già cità e manco famoso Richard Hell & The Voidoids. No par niente, el punk rock el jera ispirà anca al glam rock, e a conferma de questo, McLaren el gaveva xà cołaborà coi New York Dolls, intrà i gruppi glam rock statunitensi pi noti e intrà i primi a conotar e robe pi tipiche del punk rock.

I Sex Pistols i esordisse inte el 1975, co conçerti atorno a Londra e introduxendo gradualmente testi, ełementi e ateggiamenti provocatori, probabilmente in parte su comando del manager. El so look no el jera de poco conto come i so ategiamenti e el so modo de esar, i iera infati conossuii par ła strana abitudine de spuar continuamente e de fare deł spuo un proprio simboło, i iera anca famosi par a so atitudine viołenta, na viołensa direta non soło contro de che altri ma anca contro de se stesi, co veri e propri ategiamenti autołesionisti e nichiłisti come tajarse el corpo co łamete sensa un preciso motivo se no queło de causar sioch trała xente che asisteva a ste scene. El grupo el ga inventà anca el "Pogo", un particołar bało che se basava tuto su salti e spintoni, e che el xe stà po imità o anca copià da tantisime altre sotoculture giovaniłi.

I Sex Pistols, scandaizando l'Inghiltera e el mondo intero, i gà cambià el imagine del punk. Se prima el genere el jera soło na musica pi ruja e provocatoria, ma non pì de altri grupi rock & roll, dopo el so passajo el xe diventà sinonimo de nichiłismo, tepismo, caos, casin ecc. Secondo l'opinion comune, i punk ormai i jera parfetamente el imagine de "zovani tepisti", e cussì de frecuente nei film o nei libri dei ani otanta i tepisti e i vandałi che infesta łe metropołitane e łe strade durante ła note i vegnarà rafigurai come punk.

"Esar punk vol dir esar un fotuo fijo de na vaca, uno che gà fato del marciapiè el so regno, un fioło małedetto de na patria giubiada da ła vergogna de gaver el re, sensa avenir e coła voja de rompar el muso al so caritatevołe prosimo." (Johnny Rotten)

Nonostante questo, el Regno Unio proponeva tanti altri grupi punk da łe carateristiche pì moderae. Tra i numerosi esponenti del punk rock britanico, trovemo i Damned, Stranglers, Clash, Sham 69, The Adicts, The Vibrators, Buzzcocks, The Jam, Siouxsie and the Banshees, Stiff Little Fingers, Generation X ecc, che anca se in minima parte i imitava el modo de far dei Pistols, non i seguirà el so esempio.

Ormai parò e mase e jera stae condissionae dal'imagine dei Sex Pistols, e el signifegà del punk, par tanti estranei al movimento el restarà queło del nichiłismo, del chaos e del tepismo.