Presidente de ła Repùblega Islàmega de l'Iran

Presidente de ła Repùblega Islàmega de l'Iran
Dati
Sorte	incargo pùblego
Istòria
Creasion	4 de febraro del 1980
Governo d'impresa
Parte de	Cabinet of Iran (en)
Sito web	president.ir

El presidente de ła Repùblega Islàmega de l'Iran el ze el cao del goerno de l'Iran e ła pì alta carga istitusionałe del paeze.

Roło inte el Stato

El presidente de ła Repùblega Islàmega de l'Iran el ze el cao del goerno ma el cuerze anca incarghi spetanti a un cao de Stato (incargo cuerto in Iran da ła Guida Suprema), cofà ła nomena dei anbasadori. El presidente de ła Repùblega el ga ciapà łe funsion goernative dal 1989, co ła modìfega de ła Costitusion de l'Iran, abołindo l'incargo de primo ministro.

Costitusionalmente, el presidente de ła Repùblega el ze responsàbiłe verso el popoło e ła Guida Suprema de l'Iran.

El presidente el nòmena i menbri del Majlis e del goerno, col derito de demisionarli. El ga derito de veto su de ogni emendamento del Majlis. Se ła Guida Suprema (comandante in cao de łe forse armae) ło stabiłise, el presidente el cuerze łe funsion del comandante in cao de l'ezèrsito e de consevensa el ga podere miłitare. El nòmena el segretàrio del Consejo de Seguresa Nasionałe, i goernatori de łe provinse e i anbasadori inte i paezi stranieri. Da poco tenpo, el derito de nomenare i sìndaghi el ze pasà dal presidente al pòpoło. El presidente el ze in pì cao del Consejo de ła Revołusion Culturałe e del Consejo de Seguresa Nasionałe.

Cualifegasion e ełesion

El presidente de l'Iran el vien ełezesto a sufrajo universałe da tuti i sitadini majoreni de ła Repùblega Islàmega. I candidai i vien aprovai dal Consejo dei Guardiani, de frecuente drio el "consejo" de ła Guida Suprema, che in pì el provede de firmar ła vałidesa de łe ełesion. El presidente el gada ver seventi pre-recuizii: