Partito Republicàn (Stati Unii)

Da Wikipedia, l'ençiclopedia libara.
Jump to navigation Jump to search
Partido Republegan
Republican Party
Republican Disc.svg


El lionfante roso el xe el simboło del Partido Republegan dei Stadi Unìi

Prinsipałi raprexentanti
Presidente Ronna Romney McDaniel
Dati xenerałi
Stato bandiera Stati Unìi
Fondasion 20 de marso 1854
Sede 310 First Street SE

Washington, DC 20003

Iscriti 32.807.417 (2017)
Dati pułitisi
Ideołoxia Ancò
-Conservadorismo
-Conservatorismo soçiał
-Federałismo
- Łibarismo
Fasion rento
-Conservatorismo fiscał
-Łibartarianismo
-Neoconservadorismo
-Pałeoconservadorismo
-Popołismo de drita
Storega
· Abołisionismo
· Łibarałismo
Cołocasion Ancò
-Drita/Sentro-drita
Storega
·Sentro-drita(1964-1980)
·Sentro (1944-1964)
·Sentro-drita(1912-1944)
·Sentro-sanca(1896-1912)
·Sanca (1854-1896)
Careghe
Careghe Senado
51 / 100
 (2016)
Careghe Canbra
235 / 435
 (2016)
Careghe Canbre Statai
3002 / 5411
Careghe Senai Statai
1139 / 1972
gop.com Sito uficiałe

El Partido Republican, o Partido Republegan, dei Stadi Unìi de ła Mèrica (Republican Party en inglexe), conosù anca come Gràn Vècio Partido (Grand Old Party en inglexe, abrevià en GOP) el xe atualmente, co el Partido Democràtego, on dei do major partidi połitisi dei Stadi Unìi.

El partido el xe nasù 'ntel 1854 par 'ndar contro i s-ciaisti dei Stadi del Sud e 'l jera a sanca del Partido Democràtego.
Ancuò parò el xe conservatrixe e de drita, co parò rento frasioni de sentro-drita e de sentro-drita cristiana, co fondamenti come el łibarismo e el conservatorismo soçiał.

Des i Republicani i ga a majoransa de łe careghe 'nte ła Canbra dei Rapresentanti e al Senado e anca a livel federał, i xe en majoransa anca 'ntel numaro dei goernadori dei 50 stadi, co 34 goernadori. Ghe xe stài vinti Presidenti republegani e el cuarantasincueximo e atuał presidente, Donald Trump, el xe republegan.

Istòria[canbia | canbia el còdexe]

Abramo Lincoln el xe stà el primo presidente republicàn dei Stadi Unìi (1861-1865)

Fondà a Ripon, Wisconsin, 'ntel 1854 da ativisti antis-ciavisti, el Partito Republicàn el xe cresùo en poc tenpo dal Partito Whig come prinsipał oposidor al Partido Democràtego. El xe 'ndà ała prima olta al poder 'ntel 1860 col elesión de Abramo Lincoln ała presidensa e presiedete ała Guera Siviłe Americana e ała recostrusión.

El partito ga scominsià a formarse 'ntei tardi ani '40 del Otosento anca se ghe gà vosùo l'oposisión al Kansas-Nebraska Act par unificàr el partido. El primo congreso uficiał del partido el se gà tegnùo el 6 lujo 1854 a Jackson, Michigan. Ła prima sede republicana xe stà 'ntel Northeast e 'ntel Midwest e el partido ga consołidà ła so posisión come segondo partido co ła nominasion de John C. Fremont 'nte ła ełesión presidensiał del 1852. Ła prima ideołogia republicana ła se rifletea 'ntel slogan del 1852 free labor, free land, free men (Lavoro łìbaro, tera lìbara, omani łibari). "Free labor" riferio ała credensa republicana 'nte na clase media mobiłe che ga łasà ła forsa-łaor e metese sù inprese picenine. "Free land" riferio ai sforsi republicani pa fasiłitare sto spirito de intraprendensa co ła vendita de ła tera posedua dal goerno. El partido sperea che sta rapida cresita ła gavaria judà a controłar, e eventualmente far terminar ła s-ciavidù. Abramo Lincoln ga risevù ła nomination republicana 'ntel 1860 e in seguito el ga conquistà ła presidensa. El partido xe rimasto da ła parte del Unión durante ła Guera Siviłe Mericana e ga łaorà par ła recostrusión. 'Nte ła ełesión del 1864 na majoransa de republicani ła se xe unìa coi Democratisi pro-guera pa nominàr Lincoln ała guida del Partido de l'Unión Nasionàł. Na fasión de Republicani Radicai ga rot col partido e ga fat el Partido deła Democrasia Radicał. Sto grupo el ga vosù John C. Frémont cofà só candidà presidensiàł prima de rivar a 'n acordo połidego e ritirarse dała ełesión 'ntel setenbre 1864.

El suceso del partido ga fat corentismo rento el partido 'ntei ani '70 del Otosento. Chei contrari a Ulysses S. Grant i ga candidà Horace Greeley par ła presidensa contro de el. I Stalwarts [1] El GOP sostegnea generalmente ła granda inpresa, el cosideto "hard money" (soè, ło standard del oro)[2], tarife alte, pensión generoxe pa i veterani de l'Unión, e ła anesión de łe Hawaii. I Republicani i sostenea i protestanti che domandea ła proibisión de łe bevande alcołiche. No apena ła economia del Nord post-bełico ga gavù un colp co ła industria łexera e pesante, ferovie, miniere, sità da ła cresita vełose e na agricoltura prospera, i Republicani i ga ciapà credito e i ga fat połideghe par sostegnér ła cresita vełose. Ma dal 1890, i Republegani i xe stài d'acord al Sherman Antitrust Act e a l'Interstate Commerce Commission in risposta ai łamenti dei proprietari de inprese picenine e fabriche. L'alta McKinley Tariff [3] del 1890 ga portà rogne al partido e i Democratici i ga ciapà 'na vałanga de voti 'nte łe ełesión de fin ano, e i ga batù anca el stes McKinley. Dopo i do mandati del presidente democratico Grover Cleveland, ła ełesión de William McKinley 'ntel 1896 ła xé ampiamente vista come ns rinasita del dominio republican e ła xe calche olta sità come na ełesión de riałineasion. McKinley el ga portà vanti l'idea che łe tarife alte łe gavaria fato finir ła gran crixi causà dal Panico del 1893,[4] e che el GOP el gavaria garantio na spese de plurałismo 'ndo tuti i grupi i gavaria gavuo benefisi. El GOP xe deventà el partido del inpresa, anca se mitigà da ła sucesion de Theodore Roosevelt che ga basà el trust-busting, soè ła łota contro i monopoi economisi.

Notasion[canbia | canbia el còdexe]

  1. I Stalwarts gera ła corente del Partido Republican che sostenea Grant e i gera i Republicani "tradisionałisti che i se oponea ała riforma del servisio siviłe de Rutherford B. Hayes. I gera contraposti ai "Half-Breeds" (moderai) pal controło del Partido Republican. L'ugnoło ver punto de scontro tra Stalwarts e Half-Breeds el gera ła protesion/patronato połidego. I Half-Breeds i se ga inpegnà par gavér ła riforma del servisio sivił, e par finir i ga fat el Pendleton Civil Service Reform Act. Stalwarts i sostegnea anca ła tradisionał machina połidega.
  2. El gold standard el xe on sistema monetario 'ndo un mexo comun de canbio de na rejón el xe apunti de carta che i xé normalmente convertibiłi łibaramente in quantità fisae e prestabiłie de oro. El gold standard no el xe atualmente usà da nisun goerno, parché xe stà conpletamente sostituio danła fiat currency, soè da ła istitusión dea moneda a corso legàł da parte del goerno de un qualsiasi stado.
  3. http://en.wikipedia.org/wiki/McKinley_Tariff.
  4. El Panico del 1893 el xe stà na seria depresion economica 'ntei Stadi Unii che ła xe scominsià 'ntel 1893. 'Sto panico el xe calche olta considerà 'na part de ła Long Depression che ła xe tacà col Panico del 1873, e come cheo dei periodi presedenti, el xe stà causà da ła gran costrusión de reti feroviare e dai trabałanti finansiamenti pa łe stese; sta roba ga portà a na serie de fałimenti de łe banche. Un mercà che 'ndea senpre pexo e na rete feroviaria vacilante i favorì na corsa ała domanda de oro a na połidega de uxar sia oro sia arjento cofà scheo pal vałor del dołaro merican.

Altri projèti[canbia | canbia el còdexe]

  • Collabora a Commons Su Commons ghe xe dei file multimediałi su Partito Republicàn (Stati Unii)
  • Collabora a Wikiquote Wikiquote el contien citasion de o su Partito Republicàn (Stati Unii)