Partio Nasionalsociałista Todesco dei Lavoratori

Partio Nasionalsociałista Todesco dei Lavoratori

(de) Nationalsozialistische Deutsche Arbeiterpartei
Dati
Nome scursà	NSDAP
Sorte	Führerpartei (en) partio pułìtego todesco former political party (en)
Ideołozìa pułìtega	nazismo
Cołocamento pułìtego	drita estrema
Forma zurìdega	partio pułìtego
Istòria
El renpiasa a	Partio Sociałista Todesco
Creasion	24 de febraro del 1920 , Hofbräuhaus (it)
Fondador	Anton Drexler
Desołusion	10 de otobre del 1945
Atività
Menbri	64 (1919)
Menbri	3 000 (1920)
Menbri	6 000 (1921)
Menbri	55 787 (1923)
Menbri	27 117 (1925)
Menbri	49 523 (1926)
Menbri	72 590 (1927)
Menbri	108 717 (1928)
Menbri	176 426 (1929)
Menbri	389 000 (1930)
Menbri	806 294 (1931)
Menbri	1 000 000 (1932)
Menbri	1 200 000 (1932)
Menbri	2 635 919 (1933)
Menbri	2 554 205 (1934)
Menbri	2 616 675 (1935)
Menbri	2 668 939 (1936)
Menbri	5 629 939 (1937)
Menbri	6 283 966 (1938)
Menbri	6 606 136 (1939)
Menbri	7 700 305 (1940)
Menbri	8 105 437 (1941)
Menbri	8 389 929 (1942)
Menbri	8 466 512 (1943)
Menbri	8 791 126 (1944)
Menbri	8 787 968 (1945)
Governo d'impresa
Presidènsa	Karl Harrer (1919–1920) Anton Drexler (1920–1921) Adolf Hitler (1921–1945) Martin Bormann (1945–1945)
Òrgano de stanpa	Völkischer Beobachter (it)
Organizasion zovaniłe	Gioventù Hitleriana (it)
Parte de	national socialist movement (en)
Altri
Cołore

El Partio Nasionalsociałista Todesco dei Lavoratori (in todesco: Nationalsozialistische Deutsche Arbeiterpartei ), conosesto anca cofà Partio nazista o co ła so sigla NSDAP, nasesto dal Partio Todesco dei Lavoratori (Deutsche Arbeiterpartei, DAP), el ze sta un partio pułìtego todesco che, guidà da Adolf Hitler, istigadore e omo pułìtego de orìzene austriaga, el zera rivà al podere in Zermània inte el 1933 dopo de l'esperiensa de ła Repùblega de Weimar, perfesionando l'ano drioman, col decreto par ła recostrusion del Reich e ła nòmena de Hitler a Führer del pòpoło todesco, un goerno totałitàrio de estrema drita che el detegnea na forte conotasion nasionałìsteghe, miłitarìsteghe e revansiste, antisemìteghe e de superiorità rasiałe, fortemente espansionista in tèrmani de pułìtega estera, spesalmente verso chełi teritori de l'est eoropeo abitai da popołasion slave.

El tèrmano «nazismo» el ze na forma contraesta del tèrmano todesco Nationalsozialismus (nasionalsociałismo). El zera sta l'ùgnoło partio pułìtego legalmente autorizà de ła Zermània nazista dal lujo del 1933 finmente a ła fin de ła seconda guera mondiałe inte el 1945, co che el ze sta declarà iłegałe e i so cai i zera vegnesti inprezonai e condanai par crìmeni de guera e contro l'umanità inte el proceso de Norinberga.

Istòrego

Fondasion e bando

El NSDAP el ze emerzesto inte el 24 de febraro da 1920, co che el Partio dei lavoratori todeschi, el ghea canbià nome. La fondasion del partio ła zera avegnesta inte el biergarten de Monaco de Baviera de ła Hofbräuhaus. In cuel dì el partio el ghea publegà el so programa ełetorałe de 25 ponti. I ponti prinsipałi i ze stai el regreso de ła Zermània dal Tratà de Versailles, el retiro de ła citadinansa todesca ai citadini ebrei e el rinforsamento del senso de ła società, el Volksgemeinschaft, definio da ła Meyers Konversations-Lexikon cofà el conceto sentrałe del pensamento nasionalsociałista p. 222. . Finmente a l'ano 1923, el Partio Nasionalsociałista Todesco el ghea otegnesto seguidori soratuto inte el stato de ła Baviera, Stato dal cuało el partio el zera nasesto. Inte el 9 de novenbre del 1923, Adolf Hitler insieme a Erich Ludendorff, in testa a na coa de 3 000 persone, i ghea tentà el colpo de Stato Bavarezo, el denomenà Putsch de Mònago. Le razon che łe ghea portà a sta marsa e a sto tentativo, łe zera stae l'iperinflasion todesca, ła scarsa situasion econòmega zenerałe del paeze e l'ocupasion de ła Ruhr da parte dei ezersiti franseze e bèlzego.

Dopo del fałimento del colpo de stato, el partio ła ze sta bandio, tuti i so gaveri i zera stai confiscai, l'ufiso de Mònago el zera sta sarà e Hitler el zera sta inprezonà. St'ùltemo el ga portà el NSDAP a unirse co un'altro partio, el Partio Popołare Todesco de ła Libartà (Deutschvölkische Freiheitspartei) par candidarse inte łe ełesion del Reichstag del 1924, tentando cusita ła via democràtega.

Candidaura al Reichstag e Podere asołuto

Dopo del fałio colpo de stato in Baviera, i nazisti i ghea continuà partesipar a łe restanti ełesion de ła dècada del 1920. Inte el scumìsio de ła dècada 1930, spenzesti da problemi econòmeghi gavesti par via de ła cresente Granda Depresion, i ghea fato magnera che i so voti i cresese, devegnendo cusita el secondo partio inte el Reichstag, pozision che i continuarà a mejorar inte i ani drioman. Inte łe ełesion parlamentari del lujo del 1932, se bè che ghe fuse ła menasa de métar fora leje el Sturmabteilung, l'organizasion paramiłitare del partio, inte el 1932 i nazisti i ghea otegnesto un totałe de 13,57 milioni de voti, paro al 37,4% dei votanti, devegnendo cusita el grupo co ła majoransa rełativa inte el parlamento. Tutavia, sta vitòria no ła ze sta sufisente par Hitler par ciaparse l'entrada a ła cancełaria co i so 230 incarghi, no rivando a far ła majoransa asołuta al Raichtag fazesto da 608 incarghi. I comunisti e i nasionalsociałisti i garia insieme gavesto el 52%, formando de consevensa na ipotètega majoransa parlamentària, che no ła garia parò savesto goernare.

El canceliero Franz von Papen el ghea convocà nove elesion par el Reichstag par el novenbre del 1932, sperando de èsar boni de rivar a ła goernabiłità, ma i rezultai no i zera stai chełi sperai: i zera simiłari a chełi de lujo, ma i Nasionalsociałisti i ghea sbasà i consensi, pasando dal 37,4% al 33,1%. Hitler el ghea pensà che suito se gavese da far calcosa e che zera necesàrio concuistar suito el poder, el partio el zera rivà a ła ponta pì alta del so bon-èzito, ma che in chel momento el zera za in faze całante.

Dopo de ver strinzesto na liansa col Sentro catòlego e i nasionałisti in parlamento, convinti de poder controłare Hitler, ma ghe ga vołesto poco ai Nazisti par otegnere el controło asołuto del Stato. Hitler el zera sta nomenà cancełiero dal presidente Paul von Hindenburg inte el 30 de zenaro del 1933.

27 de febraro del 1933 el zera s-ciopà un devastante inséndio inte ła sede del Reichstag. I nazisti, sercando un pretesto par bandir na crozada anti-bolsceviga e réndare iłegali i partii de ła Sanca, i ghea incopà de l'avegnimento i dirizenti del KPD, saràndoghene łe sede e vietàndoghene łe manifestazioni. L'inséndio el zera sta inpisà da un descuiłibrà olandezo, Marinus van der Lubbe, che in pasà el gaveva vesto contati col Partio comunista. El Reichstag el zera sta restaurà, ma Hitler el ghea comisionà l'architeto Albert Speer de far-sù na nova cancelaria, la "Neue Reichskanzlei", andove inte el jardin el vegnarà scavà un bunker che el sarà ła locasion de łe ùlteme ore del partio. I comisi, invese, i vegnea fati inte el Sportpalast.

Hitler el ghea tołesto ocazion par convìnsar el Presidente von Hindenburg de firmar un decreto (Reichstagsbrandverordnung, «Decreto de l'inséndio del Reichstag») che, de fato, el sospendea ła majoransa dei deriti umani prevedesti da ła costitusion de ła Repùblega de Weimar. Na integrasion fazesta drioman ła ghea permetesto l'inprezonamento preventivà par tuto el diretivo comunista e par tuti chełi che i zera ostili al Partio Nasionalsociałista. In sta nova costitusion, totalmente favorévoła inte i confronti de Hitler e del so partio, co i aversari pułìteghi inprezonai o scanpai fora del stato, Hitler el ghea vołesto suito nove ełesion par el Marso del 1933, cusita da poder ver na majoransa asołuta nasionalsociałista, sensa intrighi de coałision, col fin de modifegar autonomamente ła costitusion. Łe ełesion łe ghea vedesto ła vitòria totałe dei Nazisti, ciapàndose el 43,9% dei voti. Co i liai nasionałisti del, DNVP i fascisti i ghea otegnesto na majoransa parlamentària sénplega col 51,8% dei voti.

Dopo de l'abołision de tuti i altri partii del 5 de lujo 1933 e el divieto de formàrghene de novi inte el 14 de lujo del 1933, i nasionalsociałisti i zera devegnesti un partio ùgnoło. Sta situasion ła fazeva parte de ła Gleichschaltung, letaralmente inlineamento, sincronizasion, un tèrmano doparà par descrìvar el proceso traerso el cuało el rezime nazista el ghea istituio drioman un sistema de controło totałitàrio su l'indivìduo. Nomenare łe SA cofà braso armà del rezime e el Schutzstaffel (SS) cofà òrgano auziłiàrio de łe SA, par de pì creare ła PolIsia Segreta de Stato, ła Geheime Staatspolizei, (co l'acrònemo Gestapo), el stato el zera totalmente soto el so controło e el ghea finalmente man lìbara par far tuto cheło che el vołea. L'ino del partio nazista el zera l'Horst Wesel Lied, na canson in memòria de uno dei primi màrtiri del movimento, Horst Wessel, morto inte el ndar de łe sołite revolte de strada coi aversari pułìteghi. Cadaun menbro del partio a l'ato de l'amision el receveva un sertìfegà scrivesto de ła durada de sie mezi, renovàbiłe par altri sie mezi. Inte l'ano un iscrito el risevea na tèsara che la declarava che ła persona ła zera un miłitante ativo e ła gaveva un spàsio par tacar i dódaze francobołi corispondenti a ła rata mensiłe, ponesto che el partio el zera finansià dai so menbri. Dopo do ani de partegnensa, se risevea tèsara rosa co drento i dati e łe foto del miłitante, i so contributi pułìteghi e finansiari, cusita cofà i so deriti e gaveri cofà menbro del partio.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Partio Nasionalsociałista Todesco dei Lavoratori
• el detien schemi gràfeghi so

Linganbi foresti

• Partito nazionalsocialista, in Disionàrio de istòria, Istituto de ła Ençiclopedia Italiana, 2010.
• (EN) Nazi PartyEnçiclopedia Britannica, Encyclopædia Britannica, Inc.
• (EN) Opere riguardanti Partio Nasionalsociałista Todesco dei LavoratoriOpen Library, Internet Archive.