Pancùco

Da Wikipedia, l'ençiclopedia libara.
Pancùco
[[File:Oxalis acetosella-1.jpg|frameless|center|260x300px]]Un bar de pancùco
Clasifegasion sientìfega
RegnoPlantae
ClaseMagnoliopsida
FamejaOxalidaceae
SpeceO. acetosella
Nomenclatura binomenałe
Oxalis acetosella
L., 1753


El pancùco el xe na erba ke dura tuto l'ano, alta 8-15 çentimetri. El nome sientifico xe Oxalis acetosella', de ła fameja de łe Oxalidaceae (in inglese common wood sorrel, in todesco Waldsauerklee, in tałjàn acetosella). Ła vive dal pian fin ai 2000 metri.

Fiore de pancùco

Łe foje łe xe fate ciascheduna da tre fojete a forma de core e łe pare quełe del trifojo. El fiore xe ugnoło, cołor bianco co strie vioła. I fruti i xe drento na capsuła divisa in 5 parti: quando ke xe ora , i grani vien skisà fora e butà distante. El pancùco ga drento vitamina C, osałati (e difati el fa mal a quei ke ga i calcołi renałi), antrakinoni.

Modi de doparar el pancùco[canbia | canbia el còdaxe]

El pancùco se magna cruo in sałata, anca miscià col spanavin, o coto, come i radici o anca drento łe fortaje. Se pol anca meterlo drento ła graspa. Dałe foje se tira fora el sałe de pancùco', doparà na volta in tintoria par cavar via łe mace pi dificiłi. Sta pianta ła vegneva anca doparà par lustrar ogeti de rame, bronxo e corame.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pancùco&oldid=971251"