PIL

Mapa dei Stati par PIL (in dòłari), baxada so i dati de ła Banca Mondiałe del 2014

In economia, el prodoto interno lordo (scursà PIL) ła xe na grandesa macroeconòmega che ła mexura el vałore agregà, a presi de marcà, de tuti i beni e i servisi finałi (o sia escludendo i rodoti intermedi) prodoti inte el teritòrio de on Stato inte on determenà perìodo tenporałe (de sołito se fa rifarimento al ano sołare, ma vien doparai anca altri archi tenporałi). El se ga ciapà na poxision de preminensa par łe so capasità de esprìmar el benèsare de na comunità rełativamente al so liveł de sviłupo o progreso.

El tèrmano interno el ìndega che sta variàbiłe ła ciapa drento łe atività econòmeghe fate drento de on Stato, escluendo i beni e servisi produxesti da łe inprexe, dai lavoratori e da altri operadori nasionałi inte i paexi foresti

escluendo anca łe prestasion agràtis o l'autoconsumo), mentre i xe includesti i prodoti fati da operadori foresti drento de on Stato. El tèrmano lordo el ìndega invese che el vałore de ła produsionel xe al lordo dei amortaminti, o sia del naturałe depresamento del stock de capitałe fìxego intervegnesto inte el perìodo; sto depresamento el conporta che, par ridur sta dotasion a dispoxision del sistema, parte del prodoto el ga da èsar destinà al so reìntegro. Cavando dal PIL i amortaminti, se otien el PIN (prodoto interno neto).

Altri projeti

Altri progetti

• Wikimedia Commons

• Wikimedia Commons el detien imàjini o altri file so PIL

Linganbi foresti

• (EN) Peter Bondarenko, gross domestic productEnçiclopedia Britannica, Encyclopædia Britannica, Inc.
• (EN, FR) PILEnçiclopedia canadese.