Organizasion no goernativa

Na organizasion no goernativa (ONG) ła ze un'organizasion sensa fini de lucro che ła ze indipendente dai Stati e da łe organizasion goernative internasionałi.

Łe ze organizasion intrà łe pì difarenti intrà lore, inpegnae in na granda varietà de atività, de frecuente co caràtaro umanitàrio o sociałe, asumindo forme zurìdeghe defarenti inte łe vàrie parte del mondo: racuante łe połe vere el stàtus de enti benèfeghi, mentre altre łe połe vegner rezistrae par l'ezension fiscałe bazada sul reconosimento de fini sociałi. Altre łe połe formar dei fronti par intaresi pułìteghi, rełijozi o de altro tipo.

Tipegamente łe ze finansiae par via de donasion o sanò da sovension de fiłantropi, siben che tute cuełe pì grande łe vegna sostegneste anca da fondi pùbleghi.

Istòria

L'espresion "organizasion no goernativa" ła ze sta mensionada par ła prima volta inte el contesto de łe Nasion Unie: l'artìcuło 71 de ła Carta costitusionałe de l'ONU ła prevede de facto ła pusibiłità che el Consejo econòmego e sociałe el posa consultar łe "organizasion no goernative intaresae a łe cuestion che łe entra inte ła so conpetensa".

Descrision

Łe ze organizasion indipendenti dai goerni e da łe so pułìteghe e zeneralmente, anca se no senpre, se ze drio parlar de organizasion no gaventi fini de lucro (no profit) che łe se guadagna almanco na parte signifegadiva dei so intòriti da fonti privai, par el pì donasion.

Inte el mondo anglosàsone i gnen de frecuente identifegae co ła sigla PVO (de private voluntary organizations), favoréndoła a cheła alternativa de NGO (sigla de non-governmental organization).

I du caràtari fondamentałi par definire un'organizasion no goernativa de cooparasion al desviłupo, i ze de consevensa formai dal caràtaro privà, e no goernativo de l'asociasion, e da cueło là de l'asensa de profito inte l'atività.

Caraterìstega de ste organizasion ła ze na forte pulsion ideałe, finałizada al fin de contribuir al desviłupo globałe dei paezi socialmente e economegamente pì retrazesti; ste cuà łe entra inte el sircùito de ła democrasia partesipada, in cuanto i coinvolze mase idealmente motivae in inisiative no stretamente pułitisizae.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Organizasion no goernativa
• el detien schemi gràfeghi so

Linganbi foresti

• (EN) Margaret P. Karns, nongovernmental organizationEnçiclopedia Britannica, Encyclopædia Britannica, Inc.
• (EN) Opere riguardanti Organizasion no goernativaOpen Library, Internet Archive.