Nazifascismo

Nazifascismo o Nazifasismo el ze un tèrmano pułìtego e storiogràfego col cuało i vien dezignai el fascismo italian e el nasionalsociałismo (o nazismo) todesco.

El fascismo italian el zera nasesto inte el 1919 par dopo spàndarse e consołidarse inte el podere inte i scumisi dei ani venti in Itàlia, mentre che el nasionalsociałismo todesco, conosesto anca cofà nazismo e na emułasion soto tanti caràtari del primo, el zera nasesto in Zermània inte el 1920, ma che el se ghea espansionà solché inte ła dècada sucesiva, rivando al podere inte el 1933. I du fondatori ideołòzeghi che i ga dopo goernà i rispetivi Paezi i zera stai Benito Mussolini par el fascismo e Adolf Hitler par el nazismo.

A liveło stòrego el tèrmano el denòmena el perìodo de ła liansa itało-todesca (1938–1943), ma el ze sta e el ze oncora uncó de frecuente doparà par definir łe forse fasciste e naziste inte el ndar de l'ùltema faze de ła seconda guera mondiałe, o sia el perìodo de ła Repùblega Sociałe Italiana e de l'ocupasion (1943–1945), soratuto da parte de łe forse pułìteghe e culturałi de ła Rezistensa italiana.

La so vałidità cofà categoria stòrega ła ze tutavia contestada da na corente storiogràfega derivante a Renzo De Felice, che ła pensava èsar "na invension da tenpo de guera, inventada dai Americani cofà strumento de propaganda e lejitimada inte un secondo momento dai partezani".