Mažùia

Da Wikipedia, l'ençiclopedia libara.
Jump to navigation Jump to search
Sto articol al é scrit in belumat
Mažùia

La mažuja la è an martel grant co 'l manech de legn o pì da spess de fer. La testa la è fata senpre de legn[1], e se dopera a tal scopo al carpen negro parchè al è dur e ligadiž.

Uso[canbia | canbia el còdexe]

La mažuja la gnen doperada par petar te la testa de le manere da sbrech o ten quela de i cugni co se à da sbregar fora bot o taje.

Modi de dir[canbia | canbia el còdexe]

Se costuma ciamarghe mažuja a la testa de 'n om o de 'n animal quando che al la à dura assei, cioè al fa fadiga a capir le robe.

L'è na parola usada in tuta la parte bàsa de la Val Beluna: se usa dir "Te dàe an kròt dó par la mažùia!" e se intende darghe 'na bòta in testa.

Note[canbia | canbia el còdexe]

  1. An arte che ghe someja come strutura, ma che al à la testa fata de fer, al è la maža.