Longhesa d'onda

Ła longhesa d'onda ła xe ła distansa intrà do màsemi o do mìnemi de na funsion periòdega, in sto caxo nasinuxòide.

In fìxega, ła longhesa d'onda de on'onda periòdega ła xe ła distansa intrà łe do creste o intrà do ventri de ła so forma d'onda, e vien comunamente indegada da ła létara grega $\lambda$.

Definizione

La longhesa d'onda $\lambda$ ła xe definia cofà:

$\lambda ={\frac {v}{f}}$

andove $v$ ła xe la velosità de propagasion e $f$ ła frecuensa de l'onda.La longhesa d'onda ła xe corełada al nùmaro d'onda ${\bar {\nu }}$ da ła rełasion:

$\lambda ={\frac {2\pi }{\bar {\nu }}}$

Co le onde, de sòłito chełe eletromagnèteghe, łe pasa traerso on materiałe, la so vełositò de propagasion ła njien riduxesta de on fator pari a l'ìndaxe de refrasion $n$ del materiałe, mentre ła frecuensa no ła canbia. Dita $\lambda _{0}$ la longhesa d'onda inte el vodo, la longhesa d'onda $\lambda '$ in on materiałe co ìndaxe de refrasion $n$ ła xe daxesta da:

$\lambda ^{\prime }={\frac {\lambda _{0}}{n}}$

Le longhese d'onda de ła radiasion eletromagnètega łe xe normalmente rifarie al vodo cofà mexo de propagasion (anca se sto cuà no el xe senpre declarà esplegadamente).

La vełosità $v$ de łe onde eletromagnèteghe ła xe pari a ła vełosità de ła łuxe, o sia sirca $3\cdot 10^{8}$m/s. Cuindi, par exenpio, ła longhesa d'onda $\lambda$ de on segnale a $100$MHz (on'onda ràdio), ła xe de sirca $3\cdot 10^{8}$m/s divixo $100\cdot 10^{6}$Hz = $3$ metri.

Longhesa d'onda de de Broglie

Tute łe partexełe co na serta cuantità de moto łe ga na longhesa d'onda, ciamada longhesa d'onda de de Broglie, che łe se desviłupa in baxe a ła rełatività restrinxesta:

$\lambda ={\frac {h}{p}}={\frac {h}{mv}}{\sqrt {1-{\frac {v^{2}}{c^{2}}}}}$

adove $h$ ła xe la costante de Planck, $p$ ła xe ła cuantità de moto de ła partexeła, $m$ ła xe ła masa de ła partexeła, $v$ ła xe ła vełosità de ła partexeła, e $c$ ze ła vełosità de ła luxe.

Bibliografia

• (IT) Peter Atkins e Julio De Paula, Chimica Fisica, 4ª ed., Bologna, Zanichelli, 2004, ISBN 88-08-09649-1.

• (EN) (EN) M. McNaught, A. Wilkinson, IUPAC. Compendium of Chemical Terminology ("Gold Book"), 2ª ed., Oxford, Blackwell Scientific Publications, 1997, DOI:10.1351/goldbook.W06659, ISBN 0-9678550-9-8.

Voxe corełae

• Onda (fìxega)
• Frecuensa
• Spetro eletromagnètego
• Firma spetrałe

Altri projeti

Altri progetti

• Wikimedia Commons

• Wikimedia Commons el detien imàjini o altri file so longhesa d'onda

Linganbi foresti

• (EN) wavelengthEnçiclopedia Britannica, Encyclopædia Britannica, Inc.

Controło de autorità	LCCN (EN) sh2005004676 · GND (DE) 4189549-6