Metri sora el łiveło del mar

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Livello del mare

Ła fraxe Metri sora el łiveło del mar (m s.l.m.) o mejo Metri sora el niveło del mar ła se riferise a l'altitudine de un punto ziogràfego (par exenpio na locałità o ła sima de na montagna) o de un ojeto sospexo in voło (come on reoplan) rispeto al łiveło del mare mexan.

El conceto de łiveło mexan del mar el xe difisiłe da rapresentar in forma matematega. El livel del mar el varia in continuasion parché łe maree, ła presion atmosferega, l'atrasion de ła luna, el movimento de ła Tera i influensa el livelo del mar.

Par la cartografia marina moderna se uxa el liveło mexan de le maree so ła costa de l'Olanda cofà referensa del livelo mexan del mar. El rexultà l'è che al sentro del Oseano Atlantego la superfise del mar la pol esar 200 metri sora el livel del mar mexan. El livel del mar in Inghiltera oriental l'è mediamente de 80 cm piasè baso che ne l'Inghiltera osidental. Da questo se capise che el livel mexan del mar l'è na mexura desixa a tavołin par darse na referensa, ma nol l'xe un punto definitio.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Metri_sora_el_łiveło_del_mar&oldid=1059364"