Juto:Come scrivare na voxe

Ełemento multimediałe arente al contesto

Par scrìvar na nova voze o modifegar una che za ghe ze so Wikipèdia, se ga da conósar de łe regołete zenerałi e da rispetar ste convension e prase largamente acetae, col fin che łe contribusion łe sìpia ùtiłi a tuti e che Wikipèdia no ła dezènere inte el càos.

Aderir a ste convension vołe dir contribuir dopiamente:

• Darghe richesa a Wikipèdia co cuałità;
• Evitar che altri i gàpia da gaver adeguar cheło che se scrive ai stàndar convensionałi che Wikipèdia Vèneta ła ga.

Łe convension łe ze pensae anca par armonizar e fasiłitar el laoro de tuti, réndar i testi na cołesion de conceti ben lezìbiłi a tuti e far crésare łe nostre voze in na magnera ciara e organizà.

– Sporteło informasion

Prinsipi zenerałi

Darghe reta a chel fià de regołaminti che se gavemo dà, el ze uno dei primi gaveri del brao e bon wikipedian.

Tìtuło

• Dimàndate se l'argomentasion de ła voze che te vui scrìvar ła ze riłevante par na ensiclopedia. (Lezi Juto:Cosa métar so Wikipedia)
• Se te ritien ensiclopèdega l'argomentasion de ła voze, verìfega che ła voze no ła ghe sìpia za soto altri nomi. (Lezi Juto:Riserca)
  • Se ła ghe ze, slàrgheła
  • Se no ła ghe ze, ma ghene ze una de simiłar e el to argomento el ze tanto spesìfego, mejo tratarlo inte na sesion inte ła voze pì zenerałe. (Lezi Juto:Sesion)
• Segùrate che te ghe daga un tìtuło justo. (Lezi Juto:Convension de nomenclatura)
• Se el tìtuło el ze za sta doparà inte un'altra voze (Cofà par ezénpio Mercùrio che el połe èsar Mercurio (astronomia), Mercùrio (ełemento chìmego) etc.) (Lezi Juto:Convension de nomenclatura e Juto:Dezanbìgua)

Resolvesto el dùbio so ła fatibiłità e so el tìtuło, se taca col scrìvar ła voze.

Creasion de ła voze e publegasion

• Ogni voze ła ga da tacar co na sesion de prinsìpio o incipit che el definise zeneralmente l'argomento, dando un contesto. (Lezi Juto:Incipit)
• Zonta Wikilinks sarando intrà dópie parénteze altre voze rełevanti ([[Pianta]]), che łe połe èsar contestuałizae zontando na bara vertegałe, o sia fazéndoło pì pròpio al contesto de ła fraze, [[Pianta|Piante]]. (Lezi Juto:Wikilink)
• Zonta un modeło a ła voze se gavese da servir (Lezi Juto:Modeło e Wikipedia:Modełi racomandai)
• Zonta nove sesion inte ła voze, slargando cusita l'argomento (Lezi Juto:Sesion)
• Zonta ełementi multimediałi, cofà foto o àudio (Lezi Juto:Multimèdia)
• Categoriza ła voze (Lezi Juto:Categorie)
• Riłèzate ła voze, ła ga da èsar conprensìbiłe da tuti!

Consevense

El pì de łe volte ła zente ła vien so Wikipedia co łe mejo intension, ła scrive na voze e dopo racuanto tenpo i se ła vede descansełada o totalmente rabaltada o integrada inte n'altra voze.

Descansełasion

I motivi i połe èsar difarenti de ła descansełasion:

• Ła voze ła ze stada ritegnesta promosionałe.
• Ła voze ła ze stada copiada da n'altro sito o ensiclopedia.
• Ła voze ła parlava de na argomentasion che no ła pareva bon star inte na ensiclopedia.
• Ła voze ła zera masa curta e de consevensa inùtiłe.

Spostamento

• Spostada inte un tìtuło pì cònsono
• Ła voze ła pareva mejo inte un altro projeto Wikimèdia (cofà el Wikidisionàrio)

Varda anca

• Juto:Juto
• Editing in generale in Juto:Modifega
• Juto:FAQ
• Juto:Convension de scritura
• Juto:Wikificare
• Sujerimenti par contribuir a Wikipedia, aver ispirasion indicasion e consili.