Giasena

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Giasena
Illustration Vaccinium myrrtillus0.jpg
Giasena mora (Vaccinium myrtillus)
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Ericales
Fameja: Ericaceae
Gènare: Vaccinium
Segui el Projeto Fórme de vita


La giàsena (fur. Glàsine, ingl. Blueberry, tal. Mirtillo, tod. Heidelbeer) la xe na pianta partegnente al zenare Vaccinium, de la famegia de le Ericacee, i so fruti i chiapa el nome da la pianta stessa.

Descrizion[canbia | canbia sorxente]

Giasena in fiora. da notar el speto dei fiori, tipico de le Ericacee
Foto dei fruti de la giasena, chiamai "giasene" anca lori

Le giasene le xe matarei chiei. El zigante intra de lore, el Vaccinium arboreum del la Mèrica del Nord, el xe un albarelo chieo, che el pol rivar anca fin ai 8-9 m. Chel'altre giasene le xe matarei che le supara el metro, invenze i pì tanti (tuti quei presenti in Italia) le xe de dimension chiee o diritura strissanti.

La giàsena mora (Vaccinium myrtillus) la fiorisse in magio e la frutifega in lugio-agosto, la ga fogie ovai e fruti che i trà sul blè, che i vien nisai freschi o trasformai in marmelata. La giasena rossa (Vaccinium vitis-idaea) la ga fogie coriacee senpreverde, co fiori bianchi o rosa, riunii in graspi termenai; la produse pomele rosse comestibii ma amarogne, anca lore adate a essar trasformae in marmelata.

I fiori i ga na forma tipica a orzio roversà, co petai saldai intra de lore. Sta forma la xe comun a tute le Ericacee.

I fruti i ga el spetto de pomele, ma in realtà le xe pomele false, cofà le banane e le angurie, parché le se orizena - oltra che da l'ovario - da sepai, petai e stami.