Forte Vexena

Da Wikipedia, l'ençiclopedia libara.
Jump to navigation Jump to search
Resti del forte Vexena

Vien ciamà forte Vexena kueło ke propriamente sarìa el forte austriaco del Spitz Vexena, sora el paso Vexena, in Trentin. El nome ke ghe gaveva dà i Austriaci xera Posten Vezzena. Finìo 'ntel 1914, el xera in realtà un posto de oservasion, con 23 soldà, fra teritoriałi, sapadori, tełegrafisti e tełefonisti e 5 mitrajatrici. El gaveva segnaładori otici ke i ło tegneva in contato col forte Verle, xo al paso, e col forte de Łuxerna. Col forte Verle el gaveva anca un cołegamento tełefonico. El forte xe sta bonbardà e smacà 'ntei primi giorni de guera 'ntel 1915 parkè el xera soto el tiro deł'artijeria tałjan del forte Verena, ma no'l xe 'nda distruto. Dopo l'ofensiva austriaca del 1916, el xe restà 'ntełe retrovie e no'l xe sta pi doparà par atività direte 'ntei conbatimenti. Soto el Fasismo i ghe ga cavà tuti i toki de fero restà e in pratica ga desfà el forte pi sta estrasion del fero ke ł'artijeria 'nteła prima guera mondiałe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Forte_Vexena&oldid=952977"