Ebrei in Còrsega

In Còrsega, fin da l’ano 800, ghe xe stada na granda imigrasion de ebrei. Inte i sècołi i xe rivai da l’Egito, da Nàpułi, Pàdoa, Zènoa, Milan e Turìn.

Prima Imigrasion Mizrahì[canbia | canbia el còdaxe]

A storia dei Ebrei in Còrsega risae a l’ano 800, quando ghe xe stada na gran imigrasion da l’Egito e i se gà stabiio inte el Sud dea Corsega ; na gran parte de sti ebrei mizrahì scriveva e parlava l'ebraego. A magior parte se gà stabiio visin a un paese che se ciama Levie, che se trova da visin a Porto-Vecchio. Dopo a comunità se gà disperso dapartuto in Corsega. In certi vilagi de montagna, in certe Ceze ghe xe oncora tracia de documenti scriti in ebraego insieme a quei scriti in latin.

Imigrasion dei ebrei da l’Italia meridionae[canbia | canbia el còdaxe]

Tra i ani 1500 e 1530, un miér de ebrei che vegneva da Napoi e da l’Italia meridionae xe scampai ae persecusion e i xe ndai abitare sue montagne del centro dea Corsega.

Imigrasion dei Aschenaziti da Padova e da l’Italia del Nord[canbia | canbia el còdaxe]

Aschenaziti da Padova[canbia | canbia el còdaxe]

Tra l’ano 1590 e l’ano 1684, tanti ebrei aschenazii de Pàdoa, che i gera obligai a vivare dentro a un ghetto fin dal 1516, e dato che chel periodo gera pien de vioensa contro a comunità ebraega, i gà deciso, dopo sti disastrosi avenimenti, de emigrar in Corsega. I abitanti li gà ciamai Padovani, che signifega : vegnui da Pàdoa. El cognome Padovani xe un cognome tanto comun ai dì nostri in Corsega.

Aschenaziti da l’Italia del Nord[canbia | canbia el còdaxe]

El fenomeno de persecusion continua in Italia del Nord e l’imigrasion ebraega pì conosua se sviupa tra i ani 1750 e1769. Pascal Paoli gà fato vegner in Corsega tra i 5000 e i 10000 ebrei dal nord de l’Italia : da Mian, da Torin, da Padova e da Genova, par rianimar l’isoea dopo i 4 secoi de ocupasion zenoveze. In Còrsega i xe considerai uguai a lori, Pascal Paoli deghiara che « i Ebrei gà i stesi diriti dei Corsi parché i condivide a stesa sorte ». I Ebrei podeva prategar liberamente a so reigion, roba che no podeva esar fata nea gran parte de staltri paesi.

Israele[canbia | canbia el còdaxe]

A Còrsega xe el soeo posto in tuta Europa dove no ghe xe mai stà nesun ato antisemita e durante a Seconda guera mondiałe, no xe stà denuncià gnanca un ebreo Corso.

Inte el 1947, a Còrsega contribuise a ła creasion del Stato de Israele e xe stada creada na asociasion Corso-Israelita par coegare mejo posibie e do comunità.