Ełetroeroxion

Da Wikipedia, l'ençiclopedia libara.
Va a: navigasion, serca

Ła 'ełetroeroxion xe na tecnołogia de łaorasion che ła sfruta łe capasità eroxive dełe scarghe ełètreghe. Ła xe utiłisàbiłe so condutori, esenxialmente i metałi, anca duri asè. Ła vełosità de łaorasion xe pi łenta de altre tècnołogie de asportasion de boxia.

Łe màchine uténsili realixà par far sto tipo de łavorasion łe vien ciamae 'machine par ełetroerosion', o in inglexe EDM (Electro Discharge Machining).

Ła vien inventà caxualmente da i spoxi rusi Lazarenko 'ntel 1943, durante esperimenti de uxura de i contati ełetreghi. Sta tècnołogia ła vien poi doparà senpre de pi e uncoi ła xe abitual soratuto par ła rifinitura de stanpi plàsteghi, parmetendo i detaji soto el miłimetro. Co i ani i procesi i se ga sdopià fra ełetroerosion a tufo (EDM) e ełetroerosion a fiło (WEDM).


Fil de fero de un mecanixà de scarga elètrega. 1 Cavo de ełetrodi 2 Arco voltaico 3 Generador 4 Toco
Màchina de ełetroerosion drio funsionar

Funsionamento[canbia | canbia sorxente]

Ła ełetroerosion ła łaora soła capasidà termomecànega dełe scarghe ełètreghe de erodere i materiałi. L'asion de łaorasion se fa doparando na inpresta (el'ełetrodo) al material da łaorare (el toco), stando in n'anbiente diełètrego łìquido. El ełetrodo el vien carga de na carga poxitiva ripeto al toco, e el material cargà negativamente el subise na eroxion supariore. Co i se visina sti do conponenti el toco vien łaorà sensa che i vegna a contato. El ełetrodo el subise na uxura bastansa significativa, che ła dipende da i materiałi uxà.