Discusion:Itàłia

Parché con la ele mouillé

Parché ghavé scrito Itałia con la ełe mója? Ghe xe na norma et la xe cuésta:

- tra do vocałi non pałatałi (a, o, u): el ghà quel sono che ʒa conossemo. - tra do vocałi pałatałi o tra 'na pałatałe e 'na non pałatałi la pare èssar muta: in realtà se una dełe do la xe na e, squasi la se fonde. - se la vocałe seguente la se la i semiconsonantica (che de sołita scrivemo j se pronunçia l (co fa in talian). In toti i altri casi, sempre l!

Grassie.

87.2.175.199 00:21, 27 avr 2014 (CEST)

Cognarìa dimandarghe a chi che ga scrito ƚa voxe... mi co so rivà cuà go catà scrito cusita e me so adeguà.--GatoSelvadego (msj) 10:53, 2 maj 2014 (CEST)

Parché sensa ł?

Go visto che xe stada cavada la "ł" sia in Itàłia che in itàłian (e cusita salta fora co ła nasionałità de el modèl Bio). In vèneto łagunar se dize co ła "ł", se daspò se vol uniformar ła grafia cavando tute łe "ł" ła ze 'na roba difarente, ma magari se dovaria discorer so łe "Ciàcołe". --Ciaurlec (msj) 15:48, 2 maj 2021 (CEST)

Chestion de acenti

Gò notà che ghe ze zente che ła dòpara i acenti un fià a cazo.

L'acento grafego nó ghe va so "Itałia" parché l'acento el casca so ła penùltema sìłaba, cuindi @Ciaurlec nó serve a gnente scrìvar "Itàłia" parché inte AFI el sarìa /iˈtaja/.

Se scrive "Itałia", come "Svesia" "Croasia" "Slovenia" "Slovachia" "Zermania". VenesiaBall (msj) 18:42, 21 mar 2023 (CET)

@VenesiaBall Grasie par ła nota: no sendoghe convension ufisiałi rełative a ditonghi e iati, gavevo sercà de uniformar in baze a łe acentasion za prezenti, ma zustamente el resultà el senbra un fià "a caso". Sercando in rede go trovà regole pi' spesifeghe solo che cua [1]. Me par de aver capio che i cazi diti sora i sia tuti sequenze eterofonege, che dovaria eser tratae tute cofà ditonghi. Difarente dovaria esar par Albanìa o Bulgarìa, che łe ga de i iati. Vanti de rispostar le relative voze voria ti te la senti de far un elenco conpleto anca par staltri paezi? --Ciaurlec (msj) 15:46, 22 mar 2023 (CET)

Grasie par gaver respondùo, mi dòpero pì o manco ła grafìa de VEC, el ze l'ente pì inportante de vèneto, se te vol far dimanda a łori te pol fàrgheła su Telegram, i te responde de seguro.

Se te vol te porìa darme na Gmail cusì te zonto so un Excel de Google dove go scrito tute łe règołe gramategałi de ła łengua.

Par i paezi son za drio modifegar ła major parte de łe pàjine, rivarò anca a cheła de ła łista de i paezi de'l mondo. VenesiaBall (msj) 17:43, 23 mar 2023 (CET)