Crossnobel

Da Wikipedia, l'ençiclopedia libara.
Jump to navigation Jump to search
Crossnobel
Loxia curvirostra -Karwendel mountains, Austria.jpg
Clasefegasion sientìfega
sottoregnoEumetazoa
superphylumDeuterostomia
divisioneChordata
classeAves
sottoclasseNeornithes
ordinePasseriformes
sottordineOscines
famigliaFringillidi
genereLoxia
specieL. curvirostra


Al crossnobel o bechincross (Loxia curvirostra L., 1758) al è an osel canterin de la fameja de i Fringillidi. Al curvirostra al è la specie de crocieri pì comuni.

Aspeti morfologici[canbia | canbia el còdaxe]

Al à na sagoma che la ghe someja a quela de 'n seligat, però co le ale a ponta e la coda a forca. Al color de 'l mastcio adulto, ross maton co ale e coda negre, al gnen ciapà gradualmente a partir da 'l color de 'l piciol maron strià de scur: i stadi intermedi i è caraterizadi da la presensa de mace inregolari arancioii o rosa. La mastcia la è maron-bisa co le ale e la coda maron-negre e la schena giala-verdastra. Al bech al è inconfondibile parchè al à la ponta incrosada, e da sto tant gnen al nome. Durante le prime 2-3 setimane de vita al è conico. Al crossnobel al cress infin a 15–17 cm de longhesa e al pesa infin a 40 grami.

Distribusion e habitat[canbia | canbia el còdaxe]

Al crossnobel al viu pì che sia te i bosch de conifere, endo pì caro al pes, al laress, al pin, ma anca te i parchi e te i jardin. Al se ferma pì che sia aonde che ghe n'è pì siess de conifere.

Le popolasion nordiche le à migrasion inregolari e invasive verso la Europa central quando che, dopo na brusca diminusion de le panoce disponibii, le risorse alimentari no le permet pì na alimentasion suficiente par popolasion abondanti; na pisola part de i sojeti che i se met in viado la pol reproduserse te i novi loch dondesti durante la migrasion.

Magnar e alimentasion[canbia | canbia el còdaxe]

La se basa quasi de 'l tut su le siess de le conifere. I pinoli i gnen dondesti a forsa de destacar le squame protetive che le rivestiss le panoce; sta operasion la gnen senplificada da la sagoma de 'l bech, doperà come na pinsa divaricatrice. Al crossnobel al è fort anca a picarse a testa in do te le panoce e al recorda te i so movimenti i papagai; le panoce pì dure, come quele de 'l pin, le pol gner trasportade te la biforcasion de 'n ran par esser verte pì vacilmente. La dieta la gnen integrada co serti inseti; no 'l è fadiga gnanca veder individui tacadi su i mur de le baite atiradi da sai che trasuda da i interstisi.

Riprodusion e nidificasion[canbia | canbia el còdaxe]

Loxia curvirostra

Al pol coar tut al an. I mesi invernai e primaverii comunque i è i preferidi. Al nit al gnen costruì da la mastcia co piume, fresa, fastuch, ginestra e pei de animai te la part alta de i pes. La mastcia la fa da 3 a 5 ovi bianchi co mace maroi che i gnen coadi da 14 a 16 dì. Al mastcio ten sto periodo al ghe procura al magnar a la mastcia.

Bibliografia[canbia | canbia el còdaxe]

  • BirdLife International 2004. Crossnobel. In: 2008 IUCN Red List of Threatened Species. IUCN 2008.

Altri progeti[canbia | canbia el còdaxe]

Colegamenti foresti[canbia | canbia el còdaxe]

  • Crossnobel su Avibase, database dei osei 'ntel mondo


Galeria[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Crossnobel&oldid=914894"