Chirurxia

Da Wikipedia, l'ençiclopedia libara.
Jump to navigation Jump to search
Vertensa
Łe infomasion riportae no łe xe conseji mèdeghi e i podaria no èsar ben curai. I contegnui i ga soło el fin iłustrativo e no i sostituise el parere mèdego.
Chirurxia
Laparoscopic stomach surgery.jpg
Operasion chirùrxega in laparoscopia (colecistectomia)
Prategà dachirurgo

Ła chirurxia (da χείρ, man e ἔργον, òpara) ła xe na rama de ła medexina che ła dòpara tècneghe manuałi e instrumentałi par el tratamento de condision patołòxeghe.

Inte el córare de l'ùltemo sècoło el desviłupamento de łe conosense, ła spesifisità de bordajo a determenae małatie e el so incremento, łe ga fato sì che se gàpia da divìdare ła chirurxia xenerałe in racuante rame speçałìsteghe. De łe rame speçałixae, racuante łe xe dèdede a ła istesa patołoxia xenerałe (par exénpio ła chirurxia oncołòxega), altre olte a cheła spesìfega de on òrgano o de on aparato (cardiochirurxia, chirurxia orałe, chirurxia toràsega) o oncora altre co ła istesa finałità (chirurxia plàstega o recostrutiva) o caraterixae da tècneghe spesìfeghe par cheła disiplina (chirurxia laparoscòpega, chirurxia robòtega, chirurxia endoscòpega).

In racuanti caxi, ghe xe, inte el ànbito de ła istesa rama, altre speçałixasion, cofà par exénpio ła chirurxia de ła man, che ła xe ła spesałixasion ulterior de ła chirurxia ortopèdega o de cheła plàstega.

Trasversałe a łe vàrie sorte de chirurxia, ła microchirurxia ła prevede ła doparasion de strumentasion mai cusita dełicata e finìsema, cofà łenti tełescòpeghe o microscòpio co autofòcus par el sgrandemento del canpo operatòrio. Sto cuà el parmete de otegner ła màsema preçixion e minemixar łe cusita ciamae secuełe, o sia el cauxarghe małani ai tesui sani che i xe rente a ła xona de intervento e che i vien intaresai da inpreçixion o sanò da na major asportasion precautiva (cofà che suçede par exénpio in caxo de tumore sospeto).

Chirurxie speçałìsteghe[canbia | canbia el còdaxe]

Argominti spesìfeghi de istòria de ła chirurxia[canbia | canbia el còdaxe]

Altri projeti[canbia | canbia el còdaxe]

Controło de autoritàLCCN (ENsh85130766 · GND (DE4009987-8 · NDL (ENJA00562311
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Chirurxia&oldid=845087"