Caçavide

Da Wikipedia, l'ençiclopedia libara.

El caçavide o caciavide xe na inpresta uxà par vidar o svidar vide. El xe conposto da un mànego pa ła inpugnadura e da un tondo, de sòłito in azhal tenperà łigà co vanadio o tungsten, che el finisse co na forma de mas-cio ùtiłe par ciapar la testa de ła vida in cuestion. Donca el pol èsar a steła, a tajo o spacà, torx, a brùgoła o de altra forma.

El mànego pol èsar fato de diversi materiałi plàsteghi, de łegno o de metal. Dependendo dai uxi el mànego juta a ixołar ła man de l'operador da fonti ełètreghe o de całor. I màneghi, ma anca łe ponte de i caçavidi i pol èsar intercanbiabiłi e anca elètreghi, in sto caxo a se dispone de na serie de ponte e màneghi in dotasion.

Łe forme e łe dimension xe tante: se pensi, intrà i vari exenpi a caçavidi angołari, maxi, mini, speciałi e conposti pa un canpo de atività ramai un mucio variegà. Sta inpresta xe de uxo comun anca pai no adeti ai łaori.

Caçavide co mànego łigneo


Controło de autoritàGND (DE4654170-6
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Caçavide&oldid=1042587"