Videocàmara

Videocàmara Canon

La videocàmara o càmara vìdeo, talvolta conosesto anca col nome inglezo camcorder, el ze un dispozitivo ełetrònego portàtiłe doparà par rezistrare imàzeni e soni su un suporto de memorizasion integrà. La videocàmara ła conbina de consevensa łe funsion de na tełecàmara co cuełe de un videorezistratore; se ze drio parlar de na evołusion tecnołòzega in confronto a ła zenerasion precedente che ła doparava i du despozitivi separai.

Le prime videocàmare i rezistrava segnałi anałòzeghi su videocaseta a nastro; de sevente ła rezistrasion anałòzega ła ze sta sostituia da ła tècnega dizitałe, co suporto de rezistrasion su memòrie dizitałi (p.e. memòria flash interna o schede SD).

Modełi

Sony Betamovie BMC-100P (Betamax) (1983)

Betamax

VHS

I primi camcorder consumer, che i zera stai imetesti inte el mercà intrà i ani setanta e i otanta, i gaveva cofà videorezistratore a casete un sistema Betamax o VHS. De sevente parò i zera conparesti modełi de nastro da ła durada de rezistrasion pì reduzesta ma pì conpati cofà el Video8 e el VHS-C. Sti modełi i ghea sostituio inte el marcà consumer, łe vece cinepreze inte i formai 8 miłìmetri e Super 8, e inte el contenpo ła pełìcuła ła zera permanesta de dòparo comun inte el contesto profesionałe.

I primi modełi de videocàmara dizitałe i zera stai ecuipajai col D-VHS e el Digital8, ma de sevente el zera sta creà el stàndar Mini DV che el se ghea afermà de presa stando oncora par tanto tenpo el prevałente suporto inte el comerso. L'evołusion de ła micro tecnołozia e l'avegnensa de l'alta definision ła ga dopo permetesto ła difuzion de modełi tapeless, boni de rezistrare su HDD o scheda de memòria su camcorder de fasa consumer e in contesto profesionałe.

De norma i camcorder i ze de òtega variàbiłe fisa: no i ga de consevensa obietivi intercanbiàbiłi cofà racuante tipołozie de fotocàmare. In contesto prosumer e profesionałe, i ghe ze tutavia racuanti modełi che i ofre ste funsion, orientai a chi che vołe far cinema sensa spéndere na barca de schei. I susiste, par de pì, adatatori par montar òteghe fotogràfeghe su videocàmare, ma ste sołusion łe ze senpre rełegae a ła fasa alta del mercà par via dei so costi.

Tecnołozia

La videocàmara ła ze costituia da tre ełementi fondamentałi: ła lente, el sensore e el procesadore de imàzene. A sti cuà ghe se gavea zontà el rezistratore (magnètego o òtego, anałòzego o dizitałe) dal cuało el vien rezistrà el segnałe. L'imàzene individuada ła pasa da ła lente (òtega/obietivo) e ła vien caturada dal sensore, che in baze a łe so dimension el ła trasmete pì o manco rica de detaji al procesadore.

Sensore

De fondamentałe inportansa, el sensore el garantise ła cuałità de l'imàzene e ła precizion inte i particułari cofà un òcio uman par ła nostra vista. Deso i ze pì de tipo CMOS che CCD par via de un reduzesto consumo e de na majore dutiłità.

Comunamente "mìopi" parché picenini inte łe videocàmare da scarseła consumer, ła so superfise ła vària da 1/6" finmente a un màsimo de 2/3" inte łe videocàmare da spała profesionałi.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Videocàmara

Linganbi foresti

• videocameraTreccani.it – Enciclopedie on line, Istituto de ła Ençiclopedia Italiana.
• camcordersapere.it, De Agostini.
• (EN) camcorderEnçiclopedia Britannica, Encyclopædia Britannica, Inc.