Varda el testo de Bacałà a ła visentina

{{Infobox de Gastronomia}}
[[Imàjine:Vicenza-specialità culinarie in vetrina.jpg|thumb|left|Bacalà a ła visentina esposto inte ła vetrina de na gastronomia, insieme co altre speciałità locałi.]]

El '''bacałà a ła visentina''' el xe el piato "nasional" de [[Vicensa]].

Tanto par scominsiàr, nol xe el ''bacalà'' taliàn, che el xe el pese ''Gadus morhua'' soto sałe, ma el steso pese sicà al vento: un stocafiso.
La tradision ła vol che in tel [[1432]] el capitan venesian Piero Querini el gabia fato naufragio su l'isoła de Rost, inte łe [[Ìxołe Lofoten|Lofoten]], in [[Norveja|Norvegia]]. Da lì el g'avaria portà xo in Veneto sto stocafisso, che xera, tra l'altro, un magnàr economego, pien de proteine e che se podeva conservàr par tanto tempo.
Intanto che a Venesia el bacałà el vegnea fato ''mantecà'' (a ła venesiana), a Vicensa vegnea inventà ła riceta a ła visentina. E naturalmente ghe 'ndava tacà na beła porsiòn de [[połenta]].

== Come el se fa ==
Ła riceta de ła ''Veneràbiłe Confraternita'' del Bacałà a ła Visentina, par 12 persone, la vol:
1&nbsp;kg de stocafiso seco (che vien dal todesco 'stockfisch' = pese baston), 500&nbsp;g de séołe, 1&nbsp;l de [[ojo]] de ołiva estra verxene, 3-4 aciughe, 1/2 litro de łate fresco, poca farina bianca, 50&nbsp;g de formajo grana gratà, un ciufo de [[parsémoło]] trità, [[sal]]e e [[pévaro|pevare]].

Bixogna mołar el stocafiso, dopo averlo batù ben, in aqua freda, canbiandoła ogni 4 ore, par 2-3 dì. Cavar parte de ła  pełe, vèrsar el pese par lungo, cavarghe ła resca e tute le spine.
Tajarlo a tochi quadri, pi che se pol gualivi. Tajar fin le séole, rosołarle in na tecia co un goto de ojo, xontar le aciughe disavìe, sensa resche e tajà a tochi; par ultimo, stuà el fogo, metarghe el parsémolo trità.
Infarinàr i tochi de stocafisso, versarghe sora el desfrito preparà e dopo metarli uno tacà l'altro in na tecia de aluminio o na pirofila (sul fondo bixogna prima metarghe raquanti cuciari de desfrito). Coverser el pese col resto del desfrito, meténdoghe anca el late, el grana gratà, el sale e el pevare.
Metare l'ojo fin a coverser tuti i tochi, livełandołi.
Cusinàr a fogo lento par 4 ore e mesa, movendo ogni tanto la tecia in senso orario, sensa mai mescolar (a Vicensa, se dixe ''pipare'').
Servir caldo coła połenta, ma el xe tanto bon anca dopo 12-24 ore.
I vini che ghe va ben insieme i xe el [[vespaiolo]] de Breganse o el [[tocai roso]] dei Cołi Bereghi.

== Altri projeti ==
{{Interprojeto|Baccalà alla vicentina}}

== Ligadure forèste ==
* {{it}} [http://www.baccalaallavicentina.it/ El sito ufisiàl de ła ''Venerabile Confraternita del Bacalà'']

{{Controło de autorità}}

[[Categoria:Cuxina veneta]]
[[Categoria:Pesi]]