Arboricultura
_met_kluit.jpg)
L'arboricultura ła ze na disiplina tècnego-sientìfega che ła se òcupa de ła cultivasion de łe àlbare par fini produtivi o ornamentałi.
Inte el partegołar ła łaora so ła sełesion, inpiantajon e zestion de łe àlbare, e del stùdio, dal liveło mołecołare a ła pianta intiera, de come che łe crese e łe responde a łe pràteghe cultive a łe cuałe łe ze sotoponeste e a l'anbiente inte el cuało łe ze drio vìvar.
Descrision
[canbia | canbia el còdaxe]L'arboricultura ła se destìngue in:
- arboricultura da legno, la se ocupea de łe piantajon de spece arbòree par ła produsion de legno.
- arboricultura da fruto, ła se ocupea de ła cultivasion de łe piante da fruto.
- arboricultura orbana o ornamentałe, inte el lenguajo comun, ła se ocupea de ła cultivasion e ła cura de łe àlbare paribon o ornamentałi.
arboricultura urbana (in inglese Arboriculture), inte ła definision de Harris et al. (2004), ła se rifarise primariamente a l'inpianto e a ła cura de łe àlbare e ła ze na disiplina che ła fa rifarimento al grando setor de ła “horticulture” inte l'acesion ingleza del tèrmino che no ła corisponde al nostran "orticultura", ma el ciapa un signifegar pì grando e rełativo a ła siensa e a ła tecnołozia coinvolzeste inte ła cultivasion intensia de piante par dòparo oman e, de consevensa, no limità solché a łe spece ortive. La selvicultura orbana (In inglezo Urban Forestry), invese, ła ze na spesałizasion drento de łe siense forestałi che ła ciapa ła zestion de łe àlbare naduralmente prezenti o piantai inte łe àree orbane co tècneghe forestałi.