Alerxia ai àcari

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Alergia ai acari
Jump to navigation Jump to search
Alerxia ai àcari
House Dust Mite.jpg
L'acaro de ła pełe
Spesalitàmedicina d'emergenza-urgenza
Clasefegasion e risorse foreste (EN)
ICD-10T78.4

L'ałerxia ai acari ła xe na forma de ałerxia respiratoria che interexa na bona parte de ła popolaxion (ghe xe dei studi epidemioloxeghi che parla del 19%-21%). Ła xe na causa tra cuełe pi importanti de łe alerxie de casa.

I acari i xe dei artropodi (cuesto xe el nome del Phylum), dea clase dei aracnidi. cuełi che centra nel discorso de ła ałerxia de casa i xe ciàma Dermatophagoides, deti anca acari dea casa. Le do specie che conta le xe el Dermatophagoides pteronyssinus e el Dermatophagoides farinae. Sti acari i xe grandi pochi micron e par rifornirse de acua no i pol bevarla diretamente, ma i dipende dal'asorbimento del vapor acueo. Par sta rason i xe sensibiłi al'umidità relativa del'aria e sicome l'umidità ła xe corełà co ła temperatura, le condisiòn favorevoli al svilupo dei acari xe cuele de un'umidità relativa almanco del 60%-70% e sora i 20-25 gradi sentigradi.

I acari de ła caxa (che na volta i vegnea ciamà acari de ła polvare) i magna resti de pełe umana (rufa, tochi de onxe, pełi) che i trova intei stramasi e intei cusini, dove, tra l'altro ghe xe tute le condision de umidità e de temperatura che ła serve par el so svilupo. I ałergeni dei Dermatophagoides i xe tochi dei stesi e le so dejesion; cuando che i vién respirà, i scatena, in cuei che xe ałerxeghi, la reasiòn ałerxega parchè i incontra i so anticorpi specifeghi Ig-E. El risultato clinego pol esare rinite, conxuntivite e asma. Visto che i ghe xé in tute le stajòn, l'ałerxia ła xe persistente e no intermitente come sucede, par esempio, coi pòłini. cuando che vién fata ła diagnosi de ałerxia da acari, ła prima roba da fare xe na bona bonifega anbientale de ła camara da łeto: gnente mocuette, pelouche, tende gròse, tapeti. Va ben anca sbasare el łiveło de umidità (no umidifegatori), darghe aria diverse volte a ła camara, fodere antiacari par i stramasi e i cusìn. Se pol doparare, sempre in camara, i spray acarisidi sui stramasi e metare dei filtri che neta de continuo l'aria.

Controło de autoritàGND (DE4264894-4

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Alerxia_ai_àcari&oldid=848688"