Wikipedia:Pajine da scansełare

Da Wikipedia, l'ençiclopedia libara.
Va a: navigasion, serca
Pajine da scansełare (Archivio)

Regołe par łe scansełasionCriteri de votoCriteri de scansełasion imediata

Se te se zà come fare: ZontaAjorna

Inserire chi soto con un elenco numarà (#) le vóxe proposte par esare scancełae che no łe rientra ne i caxi de scancełasion immediata.

Par un elenco de łe pajine segnałae co'l modèl {{Scansełare}} ndare so Categoria:Pajine in scansełasion.

Le voxè che łe riceve pareri contrari par ła scancełazion łe verà votae. La votasion ła dura una setimana. Soło i utenti registrai prima dell'inisio de ła votasion i pode votar.

Nùmaro de proposte de scansełasion : 14 (par piaser axorna sto nùmaro se'l xè sbałià)

Leame, Fiol, Felpa e Balcon[canbia | canbia sorxente]

Pàjine spostae so'l Wikisionàrio. Par convension łe saria da scansełar, ma secondo mi se podaria tegnerle dato che se trata de robe ensiclopedeghe. Cognaria però xontar calcoseta so ogni voxe... Cosa ghi n' dixio?--GatoSelvadego (msj) 21:09, 23 giu 2013 (CEST)

Anca par mi l'é de cénerle. De arđontar se pođerie (se se uxa de Wikisionari) meter su "fiól" na tabèla co le varie parentèle. Sui altri... co 'l tènp cateron. --Tn4196 cónteme 20:45, 29 giu 2013 (CEST)
Ghe ò metest do tre informaẑion ten tute, a parte ten Leame che tanto la va uniđa co Grassa. --Tn4196 cónteme 19:14, 10 dis 2014 (CET)
Mah, dirla tuta grasa e leame no xe pròpio ƚa stesa ròba... so d'acordo però che i vaga so na voxe ùgnoƚa.--GatoSelvadego (msj) 19:06, 12 dis 2014 (CET)

Majon, Pałetò, Croata, Pastran, Tabaro (abijamento), Cotoła (abijamento) e Mudanda[canbia | canbia sorxente]

Pàjine spostae so'l Wikisionàrio. Par convension łe saria da scansełar in imediata, ma secondo mi xe mèjo in serti caxi discutare prima de prosedere. Serte voxe se pol anca tegnerle dato che se podarìa metarghe de łe informasion che no ghe sta so'l Wikisionario (par exenpio el fato che'l tabaro ai tenpi de ƚa Repùblica el fuse doparà da tuti i sitadini a parte el patrisiato che portava ƚa vèsta). Oviamente cogna anca spostarle al tìtoƚo giusto (serte dixanbigue no ƚe serve, e po se dixe paltò e mudande)...--GatoSelvadego (msj) 17:04, 10 ago 2014 (CEST)

De segur se le pòl cener, e co 'n cik de tènp se le pòl comedar par star cuà co 'l {{Aboso}}. Anca mi pòde giutar, intant pense ke le pòde star co 'l {{A}}. --Tn4196 cónteme 21:31, 10 ago 2014 (CEST)

Storia oral[canbia | canbia sorxente]

Praticamente na definision, donca soto i standard minimi, e no vedo gnanca cosa che se podarìa xontar par slongar ƚa voxe... Ghevo anca pensà a un trasferimento so'l Wikisionario ma no so gnanca se ƚa xe adata pa' chel progeto...--GatoSelvadego (msj) 10:19, 18 oto 2014 (CEST)

+1 par aprofondir el argomènto se 'l à de far co n'altro tìtol (it:Tradizione orale)--Tn4196 cónteme 21:56, 20 oto 2014 (CEST)

Mona[canbia | canbia sorxente]

Cusì come che ƚa xe deso no ƚa ga senso. Wikipedia no xe un galepin, cuindi sta voxe no ƚa dovarìa tratar dei significai vari del termine, ma del òrgano... Ghevo proà a vedare se riusivo a farghine un aboso decente, ma ghe xe racuanti problemi: manca tuti i termini "tènisi", e no go intension de inventarmeƚi, e po, xeƚa soƚo che ƚa parte par fora (overo cheƚa che in itaƚian se ciama vulva), o anca cheƚa par rento? Me par che da noaltri se se riferisa al tuto, ma in particoƚar a ƚa parte par fora; donca ghe xe 'n altro problema, i interwiki: ƚa lighemo co it:vulva o co it:vagina o co nisuna de ƚe do. De sicuro no va ben i interwiki che ghe xe deso, parché no se trata de na paròƚa volgare. Visto che ƚa xe una de ƚe voxe pì viste, dirìa che no xe el caxo de tegnerla cusita. Mèjo no 'ver ƚa voxe che verghine una fata mal che ƚa da na cativa imaxene de ƚa nostra wiki.--GatoSelvadego (msj) 18:22, 18 nov 2014 (CET)

Son d'acordo co ti, e me sa anca a mi che co sti problemi ne tocherà cavarla. Ghe olerà parò rifarla (mejo), se l'é sta sort de voxe che tira i letori.. --Tn4196 cónteme 21:32, 18 nov 2014 (CET)
Penso anca mi che ƚa sia na voxe che ghe voja. Però se nisun xe in grado o nisun se olsa a canbiarla eƚora xe mèjo cavarla. Tanto ƚa parte pì grosa de cueƚi che sercava ƚa voxe (escluxi cueƚi che ƚa vardava par ridare) credo che i sercase i significai, donca xe mèjo se'l motor de riserca i manda so'l wikisionario. PS: So'l fato che ƚa tire i letori: se sa, tira pì... a parte i schersi, ƚe statistiche ƚe dixe che ƚa xe una de ƚe voxe pì viste, scuaxi senpre tra ƚe prime 10 de cueƚe del namespace 0... vorà dir che, na volta che no ƚa gavaremo altro, i rivarà cuà a scrivarla.--GatoSelvadego (msj) 23:56, 18 nov 2014 (CET)

Agricoltura in Thailandia[canbia | canbia sorxente]

Pàgina che aé creà do ani fa par la Translation of the week, ma che in efèti la ghe sta benon diretamènte entre te la pàgina Thailandia. --Tn4196 cónteme 18:57, 10 dis 2014 (CET)

+1 in sto caxo dirìa che se podarìa scuaxi ndar de imediata... PS: efetivamente no ga senso crear voxe de poche righe co che ła voxe prinsipal ła xe scuaxi voda.--GatoSelvadego (msj) 19:03, 12 dis 2014 (CET)