Testada giornałistica

Ła testada giornałistica xe el nome de na publicasion giornałistica periodica (quotidian, setimanałe, quindisinałe, mensiłe, bimestrałe, trimestrałe, semestrałe) o aperiodica, rejistrà come par lexe. Se uxa par estension anca par mèdia difarenti da queło cartaceo.

El nome deriva dal fato che, storicamente, el titoło de na publicasion xe senpre stà posto a ła testa de ła pajina.

Alcuni fondatori de giornałi i ga sielto de riciapàr in man nomi de testade zà existenti. Par exenpio:

• Indro Montanelli vułeva ciamàr el so quotidian senplisemente "El Giornałe". Ma na testada co sto nome existeva zà. Montanelli ełora sielse cofà nome El Giornałe Novo. El quotidian uscì cussita inte łe edicołe co el nome de "El Giornałe" mentre "Novo" fu scrito co carateri tanto pì picenini.
• Ła stesa cossa xe avegnùo co el quotidian "El Fojo" de Giuliano Ferrara. Sicome ła testada "El Fojo" existe zà, el so nome xe El Fojo quotidian.

Dała seconda metà del 1900 tante inprexe editoriałi i publica giornałi che, setimanalmente, ałegano al quotidian na rivista in carta patinata, che pol essar d contegnùo generałista opùr monotematego.

In anbito radiofonico e tełevixivo łe testade giornałistiche łe xe dae rispetivamente dai radiogiornałi e tełegiornałi co cui łe magiori reti, radiofoniche e tełevixive, łe copre el setor dell'informasion.

Varda anca

• Giornałista