Telefonin

Da Wikipedia, l'ençiclopedia libara.
Va a: navigasion, serca
Un telefonin

El telefonin, dito anca telefono celulare, el xe n'aparechio che el te parmete, dovunque te te trovi, de ciacolar a distansa co n'altra persona. Defati, a difarensa del telefono tradisional, el xe talmente picenin che te pol portartelo in giro tranquilamente dovunque te vè. In più el funsiona a baterie che se pol ricaricar, quindi par funsionar no'l gà par forsa bisogno de èssar tacà a la corente. El laora grassie a dele onde radio che le vien captà da na rete de anténe fate aposta. Có te ciami calcheduni col telefonin, l'aparechio el ghe manda un segnale radio a l'antena pi vizina, da cui el segnale el vien inoltrà fin a rivar a la persona con cui te vol parlar.

Storia[canbia | canbia sorxente]

Inventà nel 1973, al zorno d'uncuò el telefonin el xe uno dei mezi de comunicasion pi doparài al mondo: nel 2009 secondo l'ONU el 61% dei abitanti de la Tera el gà un telefonin.[1]

Funsioni[canbia | canbia sorxente]

Oltre che ciacolar a voce, coi telefonini se pol anca mandarse dei curti messaji de testo: i famosi SMS. Col passar de i ani i telefonini i gà ormai senpre pi funsioni e i xè senpre pì ajornai (i smartphone): con serti modèłi se pol anca videociamarse, far le foto, navigar in Internet, scoltar la musica in MP3 e tante altre robe.

Note[canbia | canbia sorxente]

  1. E' un mondo di cellulari Sono oltre 4 miliardi. Repubblica.it, 4-3-2009. URL consultà el 4-3-2009.