Rugby a 15
El rugby a 15 (rugby union in Ingreze) el ze el sototipo pì famozo de’l rugby co regołamenti, organizmi e federasion nasiònałi e internasiònałi indepàndenti.
Ła storia
[canbia | canbia el còdaxe]El se ga dezviłupado da’l 1871, co ła fondasion de ła Rugby Football Union.
Inte’l 1895, par problemi sosio-econòmeghi, racuanti club del nord Inghiltera i ga formà ła Northern Rugby Football Union, deventada daspò ła Rugby Football League, destacàndose da’l rugby union (che el ze cueło jestìo da ła RFU).
El ze orijinario de l'Inghiltera, e el se ga difondesto inte łe Ìzołe Bretàneghe (Inghiltera, Gałes, Scosia e Irlanda), in Fransa (ndoe che A ghe ze da ła fin de’l XIX sècoło el canpionato), in Oseania (Austrałia, Nova Zełanda, Tonga, Fiji, Samòa), in Sudàfrega e Itàlia (che ła ga el so canpionato nasionałe da’l 1929), in Arzentina (el ze stà inportado da łe fameje de’l Renjo Unìo) e in Spanja, Portogało, Romanìa (A ła ze stada prezente inte ła Copa Europa de rugby fin da i ani sesanta) e inte ła ex Union Soviètega (ndoe che el gaveva patrosinadori da conto cofà Jurij Gagarin e che ła sò eredità ła ze stada tolta sù da ła Rusia e sora de tuto da ła Georgia). El tira sù suceso anca in Japon, India, Maroco, Kenya, Namibia, Cànada, Stati Unii e Uruguay.
Łe prime sosietà
[canbia | canbia el còdaxe]Łe prime sosietà e asosiasion che łe ga fondà ła Rugby Football Union łe ze stade 22:
- Blackheath R.C.;
- Richmond F.C.;
- Ravenscourt Park;
- West Kent;
- Marlborough Nomads;
- Wimbledon Hornets;
- Gipsies;
- Civil Service;
- Law Club;
- Wellington College;
- Guy's Hospital;
- Flamingoes;
- Clapham Rovers;
- Harlequin Football Club;
- King's College;
- St Paul's;
- Queen's House;
- Lausanne;
- Addison;
- Mohicans;
- Belsize Park.
| Controło de autorità | LCCN (EN) sh88004283 · GND (DE) 4050910-2 |
|---|