Projeto:Coordinamento

Benvegnui nel novo projeto interamente dedicà al coordinamento de łe operasion de servisio da efetuare so a Wikipedia en łengua veneta.

Partesipanti

Utenti

Zonté el vostro nome en fondo a ła lista. Grasie

1. --Vajotwo (posta) 19:46, 6 maj 2010 (CEST)
2. --GatoSelvadego 11:58, 8 maj 2010 (CEST)
3. --Giovanni parléme co libertà 20:56, 7 luj 2010 (CEST)
4. --frigotoni^{(dime tuto queo che te vui)} 18:17, 4 feb 2011 (CET)
5. ...

Bot

Zonté el nome del vostro Bot en fondo a ła lista. Grasie

1. VajotwoBot manovrà da Vajotwo (posta)
2. ...

Da fare

Revixion zenerałe files locałi

Cossa ghe xè da fare

• Finir de creare tute łe rimanenti categorie riguardanti i files cargai in locałe quà da nialtri. Soto xè riportà l'albaro de tute łe sotocategorie so i files (ghe ne xè alcune oncora da rinominare). Par vedare l'elenco conpleto de tute łe categorie da creare podì vardare [1]

[−] Files

[+] Files par licensa d'uxo

[+] Files par sojeto

[+] Gestion files

[×] Immagini Creative Commons by-sa 3.0

[+] Migrasion licensa

• Scansełare tuti i files orfani che i se trova so Speciale:FileMiaDoparà. Fato
• Scansełare tuti i files duplicà o zà prexenti so Commons. Fato
• Finir de sistemare i modełi legai a łe license d'uxo de i files copiando quei che manca da IT Wikipedia, par n'elenco conpleto vardare [2]. Par n'elenco locałe vardare soto.

[−] Modełi copyright files

[+] Modełi license copyright

  Modèl:Self

  Modèl:Unverdata

  Modèl:Unverified

Novi CSS e JS par nialtri

Quà soto i xè riportài tuti i file che dovarissimo personałixare al pì presto par rendare VEC wiki adata a łe nostre esigense. Ve invito a sistemarli come pì ve piaxe, en seguito n'aministradore se incaricarà de ativarli so tuta l'ençiclopedia. Par provare sti file dal vivo podì, ne łe prefarense de l'acount, cargarvełi nel vostro acount personałe en modo da poderli provare subito. --Vajotwo (posta) 13:23, 13 feb 2011 (CET)

• Common.css
• Common.js
• Vector.css
• Vector.js

Convension de scritura

Ghe xè da desidare na volta par tute come gavemo da scrivare so a Wikipedia en łengua veneta. Par aprofondire l'argomento podì 'ndare so Ajuto:Convension de scritura.

Comenti

No go capìo se sta sesion comenti ła serva pa rajonar su łe convension de scritura o se pa parlar de ste robe ghemo da ndare su ła pajina de ajuto çità sora... D'ogni modo digo ła mia cua (se go sbajà posto me dixi che cusita la sposto). Vołendo se pol fare cofà łe version in napołetan e in emilian (co łe pajine scrite in ogni variansa) ma me pararia un fià ecesivo (anca se pa i belumat magari el podaria anca servire)... Cuindi bixognaria catare un modo de scrivare che posa esere leto in vari modi (par dire... mi so un "magna L" ma me sforso de metarghe ła Ł par fare in modo che lexa anca i altri), no ga da esare par forsa un modo de scrivare xa uxà in leteratura (senpre par mi, oviamente)... par dire: podaria anca esare na idea doparare la scharfes S par no metere łe s dopie... L'inportante xe no perder tenpo a corejerse fra de noaltri: no xe posibiłe, par exenpio, che mi scrivo scritore e riva uno che cava ła e finałe... entranbe łe version xe juste, cuindi no me so meso a ricorejere (pa evitare na edit war), ma se scrivare łe parołe intiere podaria contentare tuti (basta no lexare ła vocałe finałe) scrivare łe parołe tronche no. Justo i me do schei...--GatoSelvadego 12:39, 11 maj 2010 (CEST)

Go dato un ociada a łe convension de scritura del Brunełi, ło ghevo xa leto in pasà e me jero anca bituà a scrivar co łe zs e zx... ma dopo un toco go perso a pasion pa sto modo de scrivare. Penso anca mi che bixognaria trovar un modo de scrivare che posa esere leto ne łe varie varianti ma no col uxo de grupi de do carateri (de cui uno se lexe e che altro no). Credo che un par de punti fermi i ghe voja: l'uso de ła x par dire (secondo mi ła xe un caratare distintivo de ła lengua veneta, chi che dopararia z dovaria adatarse. D'ogni modo no ła ndaria mai doparada prima de na consonante, no robe tipo xm, xb...), l'asensa de dopie (i venesiani che scrive ss i se adata), ła j che se lexe in do modi difarenti, ła ł che se połe lexarla o no (mi no faso gnanca fadiga a scrivarla, me basta far alt gr+l... ma so che par tanti no xe cusita façile), łe vocałi a fine paroła (che se połe lexarle o no), el · in mexo a sc (anca sto cua no faso fadiga a scrivarlo...), ła ç (che se połe lexare cofà s o zh), ła c dolçe normałe (nei ninsołeti venesiani i ła scrive ch cofà in spagnoło e al contrario del tałian... se podaria farghe anca un pensierin... e se podaria farghe un pensierin a ła k al posto de ła c dura...), po abołiria la q... se se metese un fià de pałeti po bastaria che uno co el scrive el pensase un fià: "cofà dixariseo sta paroła uno da..." e el se regołase de conseguensa. Par çerte varianse estreme (belumat) se podaria pensare a uxar i modełi de łe varianse.--GatoSelvadego 20:29, 26 maj 2010 (CEST)

Portałe:Comunidà

Ghe xè da creare el novo portałe par ła comunidà de Vec.wiki.

Pajine de ajuto, categorie de servisio etc

NB: In ordine de letera identificativa de'l modeło. El nome el ricalca cueło de łe categorie (che te poi catare soto sta categoria).

	Pajina de ajuto	Categorie corełae	Istrusion modeło	Note
Abosi	En corso ...	Fato	Fato	Da finir de tradure ła pajina de ajuto
Da jutare	No fato	Fato	Fato	Da far ła pajina de ajuto
Da controłare	No fato	Fato	Fato	Da far pajina de ajuto
Categorie da rinominare	Fato	Fato	Fato	Xà fato tuto.
Da categorixare	Fato	Fato	Fato	Vołendo se pol slargar le istrusion del modeło
Da controłare par copyright	En corso ...	Fato	Fato	Da finir de tradure pajina ajuto
Da corejere	No fato	Fato	Fato
Da dividare	No fato	Fato	Fato	Da far pajine de ajuto.
Da verifegare par ençiclopediçità	En corso ...	Fato	Fato	Da far pajine de ajuto
Voxi sensa fonti	No fato	Fato	Fato	Da far pajine de ajuto (xè prexente ła pajina de Wikipedia)
Da netare suito	No fato	Fato	Fato	Da far pajine de ajuto
Laori en corso (WIP)	No fato	En corso ...	Fato
Pajine orfane	Fato	Fato	Fato	Xa fato tuto
Segnałasion PVN	Fato	Fato	Fato	Xa fato tuto
Da scansełare suito	Fato	Fato	Fato	Xa fato tuto
Da finire de tradure	En corso ...	Fato	Fato	Da finir de tradure ła pajina de ajuto
Da unire	No fato	Fato	Fato	Da far pajina de ajuto
Da wikifegare	En corso ...	Fato	Fato	Da finir tradusion pajine ajuto

• NB: Ghe xe da ricontrołar i manuałi de i modełi, anpliarli o conpletarli e standardixarli (graficamente i ga da esar tuti conpagni).

Comenti

No par dire, ma łe categorie e dovrebe senpre avere ła paroła łengua o łengue ansiché quełe nove che go visto desso aventi lengua o lengue. Se non altro par adatarse a łe altre zà esistenti. --Vajotwo (posta) 14:59, 17 maj 2010 (CEST)

Te ghe raxon. Me pare che el problema el ghe fuse soło su ła categoria Da tradure. Sistemà.--GatoSelvadego 15:38, 17 maj 2010 (CEST)

Grasie miłe. Continuemo cussì che stemo portando vanti on bel laoro :) --Vajotwo (posta) 16:14, 17 maj 2010 (CEST)

Si, propio un bel laoro. Pa far puìto però ghe voria anca un aministratore: par dire, ogni volta che vago su Ultimi Canbiamenti e vedo el toco in çima co tuti che i link rosi (che inveçe łe xe scuaxi tute pajine existenti: almanco, pa łe categorie de servisio ghemo scuaxi tuto)... si se podaria risolvare có calche redirect ma no vegno mato al'idea de inpienare el wiki de redirect inutiłi, saria mejo che ghe metese łe man uno che połe meterghełe.--GatoSelvadego 16:47, 17 maj 2010 (CEST)

Seto che te digo? Che sto pensando de candidarme da novo par diventare n'aministradore de a Wikipedia en łengua veneta. Ghe gavevo zà provà on po' de tenpo fa, ma jera finio tuto en małomodo. Desso podaria riprovarce. Cossa ne pensito? Dame on consijo. --Vajotwo (posta) 17:27, 17 maj 2010 (CEST)

Vara, poco jorni fa ghevo pensa de candidarte (ti), justo pa avere un aministrador un fià pì prexente. Ma dopo go pensà che se femo l'elesion votemo soło mi e ti (e forsi Beppe, ma me pare che el scriva bastansa de frecuente ma senpre su łe voxi mai su łe pajine de servisio/comunidà)... no xe propio el masimo... Mi comunque apojaria a to ełesion. D'ogni modo go visto che xente iscrita ghin saria racuanta (no par gnente un par de ani fa se no sbajo vec jera una de łe wiki regionałi mese mejo... deso ła xe sta superà parfin dai lumbard)... bastaria recuperar un pochi de cuełi che ga fato pì de tot edit pa far ripartir sta wiki... mi diria che podarisimo controłare ad uno ad uno i utenti co pì contributi; vardar se i ga fato l'account unico e cuindi contatarli su ła pajina discusion utente del wiki a cui i cołabora (bixogna vedere se el wiki co pì contributi o el wiki coi contributi pì recenti) par dirghe che semo drio fare "łe pułisie de primavera" e gavarisimo caro che calcheduni vegnese darne na man (no połemo mia far tuto ti e mi)... insoma, pa farla breve, na specie de "AAA sercasi vołontari" scrito da mi e ti...--GatoSelvadego 20:21, 17 maj 2010 (CEST)

Tradusion mesaji de sistema

Na olta desise e convension de scritura ghe xè da tradure novamente tuti i mesaji de sistema atraverso el sito Translatewiki.net

Tradusion e sistemasion modełi

Ghe xè da tradure tuti i modełi inte'l veneto e ghe xè da unifegare e a grafica de i nostri modełi con queła de a Wikipedia in itałian.

• Modèl:Scanseła suito (co rełative istrusion) Fato
• Modèl:Sondaji (co rełative istrusion) Fato