Martina Fassina

Martina Fasina (Casteło, 7 de Apriłe 1999) ła ze na zugadora de basket de'l Famiła Schio.

Cariera

Martina ła ga tacà zugare inte ła Serie A de basket inte el 2015 co'l San Martin de Lupari, cuando che l'alenador ła ga fata ndare in campo inte ła partìa contro el Geas de Sesto San Giovanni a'l 25 de Otobre. La ze restà co la scuadra de San Martin de Lupari fin a'l 2018, parché inte el marcà de l'istà el Famiła de Schio el gà vołesto cronparla e eła ła gà fato łe valize e ła se gà trasferìa a Schio. Zugando a'l Famiła ła gà podesto far el so debuto inte ła copa europea ciamada Eurolega.

Nasionałe

Martina Fasina ła gà vinsesto un par de medaje co łe nasionałi zovaniłi: el bronzo co ła scuadra soto i 16 ani a'l canpionado europeo inte el 2015 e l'arzento co la scuadra soto i 17 ani inte el canpionado mondiałe inte el 2016. Deso ła zuga co ła scuadra soto i 20 ani e ła podarìa èsar convocà anca inte ła nasionałe de łe adulte.