Lisandro Magno

Lisandro Magno
Re de Macedonia, Egemone de la Liga elenica, Faraon d'Egito, Re dei Re
Mosaico de la batalia de Isso, particolar co Lisandro Magno in sèla al so caval Bucèfalo, Museo Archeologico Nazionale de Napoli
Regno		336 a.C.-13 giugno 323 a.C.
Nome conpleto		Μέγας Ἀλέξανδρος
Nàssita		Pella
		6 lōios / ecatombeone (ca. 20 lujo) 356 a.C.
Morte		Babilonia
		30 daisios / targelione (ca. 13 giugno) 323 a.C.
Sepoltura		Alessandria d'Egito
Coniuge		Rossane
		Statira
		Barsine
Fioli		Eracle de Macedonia (da Barsine) Alessandro IV de Macedonia (da Rossane)
Pare		Filipo II de Macedonia
Mare		Olimpiade d'Epiro

Lisandro Magno (greco: Μέγας Ἀλέξανδρος, Mégas Aléxandros), ufisialmente Lisandro III de Macedonia (greco: Ἀλέξανδρος Γ' ὁ Μακεδών, Aléxandros trίtos ho Makedόn) el xe stà un gran condotiero macedone, ritegnù uno dei pi famosi conquistadori e strateghi del mondo antico.

Co el xera toseto el gà vù come maestro el grande filosofo Aristotele. Nel 336 a.C., a soli 20 ani, el xe deventà re de Macedonia dopo che xe morto so pare Filipo II. Poco dopo le polis greche le s'à ribelà ai Macedoni, ma Lisandro el gà stofegà la rivolta radendo al suolo tuta quante Tebe (via dei tenpli e de la casa del poeta Pindaro).

Nel 334 a.C. Lisandro el xe sbarcà in Asia Minore con 35 000 soldà, con l'obietivo de conquistar el nemigo storico dei Greci, l'Inpero Persian. Nel giro de na diesina d'ani el gà conquistà tuta quanta l'Asia Minore, l'Egito e la Persia, rivando fin in India, dove i so soldà i se gà rifiutà da 'ndar avanti ancora. Quindi nel 324 a.C. el xe tornà a Susa dove el gà stabilìo la so cavedal, ma l'ano dopo el xe morto de colpo a gnanca 33 ani. No se sa ben el motivo de la morte, forse par malaria o forse i lo gà invelenà. Dopo la so morte el gran inpero creà da elo el se gà spacà in tanti tochi par via de le lote tra i vari capi macedoni (i Diadochi).