Clinton

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Crintón

El Crinton, pronunsià Crintón, deto anca Clintòn, Clìnton, Crinto o Clinto, el xe on vin roso, prodoto da na vite inportà in Eoropa inte el 1820 da ła Mèrica sèvito ała invaxion de la fiłosera de ła qual el xe rexistente.

On tenpo el xera difondesto in varie reijoni d'Eoropa. El ga basa gradasion alcòłìca, che ło rende de difisie conservasion. El ga un cołore viołaceo intenso ch'el łasa na onbra fosca inte ła boteja e inte łi goti, e na màcia particołare sołe tovaje. Sicome ch'el pare ch'el sìpia canceròxeno, ła so produsion ła xe proibía in tuta ła Comunità Eoropea, a manco de serti parmesi.

El xe on incroso intrà ła Vitis labrusca e ła Vitis riparia; na olta vinificà cołe tèniche tradisionałi, el Crinton el se insiorise de alcol metìłico, sostansa che ła próvoca dani al nervo òtego e a ła rètena par łe interasion ch'el próvoca al sistema nervoxo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Clinton&oldid=1088541"