Comunicasion

Comunicasion

Insieme de fenomani che i fa in manjera de trasferire informasion

Na comunicasion senpliçe: Uno comunega e chel'altro riçeve.

Par comunegasion o comunicasion (dal latin cum = con, e munire = ligare, costruir e dal latin communico = métare in comun, réndar partèsipe) se intende el proçeso e le modalità de traxmision de un informasion da na anima a n'altra (o da un posto a n'altro), traerso el scanbio de mesajo laorà segondo le regole de un determinà codaxe.

Descrision

Studio

La comunicasion la rivarda sia un anbito de tuti i dì, sia inte el anbito de la publiçità e de le publeghe relasion: in çascun de sti anbiti la comunicasion la ga difarenti fini. I ajenti de la comunicasion i pole esare persone omane, esari viventi o entità artifiçali. L'è chela anima che la "riçeve" el mesajo a darghe un signfegà a sto mesajo, e na olta dita sta roba, se pole dire che la xe la potensialità creadiva de l'esare omano a darghe signifegà a ogni roba, creando el "sistema de comunicasion" co le so dò carateristeghe: l'imajinasion e la creasion de sinboli. L'è comuncue un discorimento continuo capire se la comunicasion signifega l'existensa de cosiensa, o se l'è un proçeso chel pole verifegarse anca tra machine, se de fati el xe chelo che riçeve a darghe un signifegà a chelo che ga riçevuo, ogni roba la pole comunicare.

El conçeto de comunicasion par esarghe, ga da esarghe na interasion intrà anime difarenti, o sia un asion che parché la ghe sia, la ga bixogno de la cooperasion intrà le anime. Ogni proçeso comunicadivo, el se verifega in ambedò le diresion, e, segondo alguni, no se pole parlar de comunicasion se ghe xe solo uno a parteçipar a l'asion e se parlaria de senpliçe traxmision de segni o informasion.

Inte el proçeso comunicadivo che el vede indafarà i esari omani, se catemo davanto a dò poli:

Da na parte la comunicasion come asion de colaborasion, o sia che do o pì comunicasion le comunega intrà de lore o na senpliçe traxmision, unidiresional, andove no se ghe pole replicar, o sia na co la televixion, radio o multimedia so internet.

Sojeti inte la comunicasion

• Emitente: Chelo che envia el mesajo.
• Destinataro: Chelo che riçeve el mesajo.
• Mesajo: Chelo che njien comunicà da l'emitente.
• Codaxe: Calsiasi lenguajo dà la posibilitò de far un mesajo. On mesajo l'è fato da un codaxe e na comunicasion la xe posìbiłe solo se emitente e destinataro i conose el codaxe de traxmision e letura.
• Referensa: El contegnuo del mesajo.
• Contesto: La situasion andove njien fata la comunicasion.

Disturbi inte la comunicasion

La comunicasion la pole esar disturbada da un caxin, o sia calsiasi fator, fixego o psicoloxego, che interonpe e disturba la comunicasion.

Par sistemare el problema del caxin, se ga do posìbiłi vie da seguir:

• la ripetision, o sia co l'emitente el fa el mesajo pì ciaro, in manjiera ripetidiva e faxendo anca sesti e espresion col muxo.
• il feedback, o sia co el riçevente el rimanda al mitente el mesajo riçevuo, in manjiera da ver conferma se el ga capio ben.

Caxin, ridondanza e feedback i fa divegnere la comunicasion dinamega.

Tipi de caxin

Ghe xe pì tipi de caxin che pole disturbar na comunicasion:

• Esterno, o sia che ghe xe caxin che riva da fora, che no xe colpa del riçevente (el caxin del treno che pasa).
• Fixioloxego, o sia i fatori bioloxeghi che i interferise co na bona riçesion (come na malatia o problemi anca solo tenporanei a le recie)
• Psicoloxego, o sia le forse de chi che comunica, che le interferise co l'abilità de esplicar o reçepir un mesajo (preocupasion
• culturale, o sia co la cultura de l'emitente l'è difarente da chela del riçevente (un mesajo scrito in Veneto a un Inglexe)

Modeli de comunicasion interpersonal

Model de Schulz von Thun: El cuadrato de la comunicasion.

Paul Watzlawick e i so coleghi, inte el 1960, i ga portà na granda difarensa inte el studio de la comunicasion omana: Tuti i proçesi comunicadivi intrà esari omani, i ga do dimension difarenti, el contegnuo (chel che le parole dixe) e la relasion (chel che i parlanti i dasa intendare, sia a livel verbal che non, sol tipo de la relasion che ghe xe tra de lori).

Inte el 1981, el psicologo Friedemann Schulz von Thun, de l'Università di Amburgo, el ga proponesto un model de comunicasion interpersonal chel se difarensia in cuatro dimension difarenti, inte el cusì ciamà cuadrato de la comunicasion.

• Contegnuo: de cosa se xe drio parlar? (color blu).
• Relasion: come xe chel definise el raporto co ti? Cosa te falo capir chel pensa de ti? (color xalo).
• Autorivelasion: Tute le olte che calcun dixe calcosa, sensa volerlo, el dixe calcosa de la so persona.(color verde).
• Apelo: che efeto voleo otegner chel che parla? O sia chelo chel parlante domanda, in manjiera esplicada o inplicada, a chelo che riçeve de fare, pensare, dire, scoltare..(color roso).

Ste cuatro dimension le se pole tegner prexenti sia co se fa i mesaji e sia co li njien scoltai e inte l'interpretasion dei mesaji de altri, in sto segondo caxo, la scola de amburgo, la parla de le cuatro recie (che le corisponde al cuadrato de la comunicasion), andove se se pole sintonixar. Par exenpio, par "ciaparmela" o sia ofendarme inte el scoltar na comunicasion, garò da darghe un signifegà so la recia xala, o sia ghe do un signifegà al mesajo che riçevo baxandome so chelo chel vole (esplicando o inplicando) dirme.

Sto modelo el varda co se sia senpre libari de darghe a calsiasi comunicasion un segnifegà o n'altro, evidensiando in sta manjiera el podere de chi che scolta de contribuire inte la cualità de un interasion.

Co un fià de alenamento, se sarà posìbiłe sintonixarse anca so la recia verde, al posto de ndar senpre so chela xala, e domandarse, dentro de ni'altri, stando davanti na conversasion che la podaria esar iritante: "Come se sentea la persona che parla? Parché la me ga da parlar in sta manjiera?"

• Comunicasion verbale, che la njien fata doparando el lenguajo, sia scrivesto che parlà e che dipende da fise regole sintateghe e de gramadega;
• Comunicasion no verbale, che la njien fata sensa doparar le parole, ma co altri canali, come par exenpio mimeghe del muxo, sesti, xvardi, poxision del corpo;
• Comunicasion para verbale, che la rivarda al tono, volume e ritmo de la voxe de chi che parla, pause e altre espresion sonore (come el s-ciararse la voxe) e no (come el xogatolare co le man, co calsiasi roba che ghe xe là rente).

Voxe corełade

• Tełecomunicasion
• Servisio de rete sociałe

Linganbi foresti

• (EN) George N. Gordon, communicationEnçiclopedia Britannica, Encyclopædia Britannica, Inc.

Altri progetti

• Wikimedia Commons

• Wikimedia Commons el detien imàjini o altri file so comunicasion
• el detien schemi gràfeghi so