Bronbaro

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Bronbaro
Prunus domestica
El bronbaro
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Rosales
Fameja: Rosaceae
Sotofameja: Prunoideae
Gènare: Prunus
Spece: P. domestica
Nomenclatura binomiałe
Prunus domestica
L., 1753
Nomi comuni
bronbaro, brognaro, amołaro
Segui el Projeto Fórme de vita


El bronbaro o brognaro o amołaro el xe na pianta col nome sientifico Prunus domestica, deła fameja dełe Rosaceae. In todesco se dixe Zwetschge o Pflaume, in inglexe plum, in sloveno slíva, in tałjan prugno o susino. Originaria de l'Asia minore, sta pianta ła xe sta portà dai Romani 'nte l'area del Mediteraneo nel 150 vanti Cristo e da là ła xe sta difusa in tuta Eoropa.

El bronbaro el pol rivar a esar alto anca 10 metri e el crese fin ai 1500 metri de quota. Ła scorsa ła xe griso-scura, i fiori bianchi e łe foje łe ga na forma de punta de lancia coi bordi a dinti de sega.

I fruti, ovałi (diti bronbe, brògne o àmołi), i vien fora da giugno a otobre e i xe o blu o roso-viola o xałi a seconda dełe varietà. I àmołi, in particołare, i xe i fruti xałi deła subspece syriaca (in todesco i xe diti Mirabelle, in inglexe mirabelle plums). Oltre ke magnà crui, i se dopara anca par far torte, un liquore par ła corexion del cafè e na graspa ciamà Slivovitz, 'ntei Balcani e 'ntei altri Paesi de l'Eoropa orientałe. In Germania, 'nteła Foresta Nera, i fa ła graspa de àmołi (Mirabelleschnaps).