Bigołi
I bigołi xe na pasta longa veneta rùspia, pi grosa dei spagheti, fata con farina de grano tenaro e ovi. Par farli, se fa un paston co ste proporsion:
- 400 g de farina bianca "0"
- 4 ovi intieri
- na s-cianta de sałe
Par far el paston se distende suła toła ła farina mis-cià al sałe, faxendoghe ciapar na forma de fontana.In mexo se spaca i ovi e i se sbate co na forketa, xontandoghe de continuo un poco de farina. Quando ke ovi e farina se ga inpastà ben, se continua a mis-ciar cołe man el paston finkè no'l diventa na bała ełastega, soda e lisia.
Se ciapa el paston e se fa pasar tuto traverso un torcio a piastra coi buxi larghi (el bigołaro). Vien fora i bigołi bełi ruspi par ciapar ben el sugo. Prima de cuxinarli ocore farli sugare ał'aria.
[canbia] Ricete coi bigołi
Ghe xe i bigołi co ł'arna, i bigołi mori in salsa, i bigołi co ła coradeła de cavreto.
