Aree naturai protete
Da Wikipedia, ła ençiclopedia libara.
Le aree naturai protete, in Italia, le è quele aree de particolar intaresse naturalistico che le responde a determinadi criteri stabilidi par lege.
Indice |
[modifica] Legislaẑion
- La classificaẑion de le aree naturai protete la è stata definida da la lege 394/91, che la à instituì alElenco uficial de le aree protete - adeguà co 'l 5° Aggioornamento Elenco Ufficiale delle Aree Naturali Protette (Delibera de la Conferenza Stato Regioni de 'l 24-7-2003, publicada 'te 'l suplemento ordinario n. 144 de la Gazzetta Ufficiale n. 205 del 4-9-2003).
- La instituẑion de i parchi marini la è regolada da la Lege 979/82 "per la difesa del mare" e da la Lege quadro su i parchi.
[modifica] Classificaẑion
[modifica] Parchi naẑionali
- i è costituidi da aree terestri, marine, fluviai, o de lago che le apie inte un o pi ecosistemi integri o alteradi in part da interventi de 'l on, una o pi formaẑion fisiche, geologiche, geomorfologiche, biologiche, de intaresse naẑional o internaẑional par valor naturalistici, sientifici, culturai, estetici, educativi e ricreativi tai da justificar al intervento de 'l Stao par la so conservaẑion.
- Elenco de i parchi naẑionai de 'l Veneto
[modifica] Parchi regionai
- i è costituidi da aree terestri, fluviai, le lago e eventualmente da toch de mar arent la costa, de valor anbiental e naturalistico, ch i costituiss, inte 'l anbito de una o pi region vesine, an sistema omogeneo, individuà da i asseti naturalistici de i posti, da i valor paesagistici e artistici e da le tradiẑion culturai de le popolaẑion de 'l posto.
- Elenco de i parchi regionai de 'l Veneto
[modifica] Riserve naturai
- le è costituide da aree terestri, fluviai, de lago o de mar che le apie inte una o pi specie inportanti da 'l punto de vista naturalistico de la flora e de la fauna, o che comunque le presente un o pì ecosistemi inportanti par la diversità biologica o par la conservaẑion de le risorse genetiche.
- Elenco de le riserve naturai statai de 'l Veneto
- Elenco de le riserve naturai regionai de 'l Veneto
[modifica] Zone umide
- le è costituide da paluch, foss e pose, torbiere o posti co aque naturai o artificiai, conprese le aree de aqua de mar fonde manco de 6m (co ghe n'è bassa marea) che, par le so carateristiche, le pode esser considerade de inportanẑa internaẑional a i sensi de la Convenẑion de ramsar.
- Elenco de le zone umide de 'l Veneto
[modifica] Aree marine protete
- le è costituide da toch de mar, costieri e no, te i quai le atività de 'l on le è de 'l tut o in part limitade. la tipologia de ste aree la canbia in base a i vincoi de proteẑion.
- Elenco de le aree marine protete de 'l Veneto
[modifica] Altre aree protete
- le è aree che no le rientra inte le classificaẑion de prim. Par esenpio: Aree naturai Protete Regionai, monumenti naturai, parchi suburbani, parchi provinciai, oasi de le associaẑion anbientaliste (WWF, Pro Natura, LIPU, ecc). Le pol esser a gestion publica o privata, co ati contratuai come concession o equivalenti.
- Elenco de le altre aree protete de 'l Veneto
[modifica] Bibliografia
- AA.VV., Parchi e aree protette in Italia, Touring Club Italiano, 2003
- Baldini U., Quadro sinottico della pianificazione delle aree protette nell’ambito del progetto APE, Roma, 2000
- Daclon C.M., La politica per le aree protette, Maggioli, 1990
- Daclon C.M., I parchi nazionali, Maggioli, 1995
- Di Plinio G., Diritto pubblico dell'ambiente e aree naturali protette, Torino, Utet, 1994
- Gambino R., La pianificazione delle aree protette in Italia e in Europa, Torino, 1992
- Piva G., I parchi nel terzo millennio, Alberto Perdisa Editore, 2006
