Èrevan

Da Wikipedia, ła ençiclopedia libara.

Èrevan (1.201.539 ab. 'ntel 1989; 1.088.300 stimài 'ntel 2004) l'è la cavedal de lo stato de l'Armenia.

[modifica] Storia

Łe testimonianzse archeołóxeghe łe ga permetuo de scuvrir che na fortezsa miłidar ciamà Erebuni e rixałente al règno de Urartu xé stà fondà dove deso sorze Èrevan (Էրեբունի) 'ntel 782 a.C., par vołontà de Argistis I. Da ełora, tal łogo el xé senpre stà de fondamentałe inportanzsa stratègeca sicom croxevia de łe rote carovanère che łe cołegava l'Eoropa al'India. El zsentro abità el xé stà ciamà Yerevan a partir dal VII sècoło a.C., có ła deventa ła cavedałe armena al tenpo de ła dominazsione persiana.

Propro a cauxa de ła soa inportanzsa stratègeca, Èrevan ła xè stà a łongo contexa fra ła Persia e l'inpero otoman. 'Ntel 1827 ła xé stà ocupà da ła Rusia e formalmente dà a sta qua da ła Persia 'ntel 1828. Dopo ła rivołuzsion bolsevica del 1917, ła xé stà par tre ani ła cavedałe dell'Armenia indipendente, par deventar 'ntel 1920 ła cavedałe de ła Repùblica Sociałista Soviètega armena. En sèvito al cołaso dell'Union Soviètega, 'ntel 1991 Èrevan ła xe devegnua ła cavedałe de ła neonata repùblica armena.