Ègano
 |
||||||||||||||||||
 Laburnum anagyroides |
||||||||||||||||||
| Clasificasion sientìfega | ||||||||||||||||||
|
||||||||||||||||||
| Nomenclatura binomiałe | ||||||||||||||||||
| Laburnum anagyroides Medik., 1787 |
Ł'ègano (nome sientifego Laburnum anagyroides) el xe na pianta deła fameja dełe Fabaceae. In todesco se dixe Goldregen, in inglexe laburnum, in taljan maggiociondolo. Sta pianta, alta fin a 5 - 6 metri, ła ga, come carateristega, graspi longhi 30 cm de fiori (40 par graspo) xałi oro. Sti fiori, fati a farfała, i xe grosi presapoco do çentimetri e i vien fora fra apriłe e lujo. In lujo maùra i fruti, ke i pare fasoj de cołor verde scuro - maron, con drento fin a disdoto semense more. Ł'ègano vien doparà come pianta ornamentałe 'ntei giardini, ma el legno, xało - maron, el xe duro e rexistente e bon par far pałi, lavori de carpenteria e anca par esare bruxà.
Alkałoidi deł'ègano [canbia]
In spece łe semense, ma anca łe altre parti deła pianta, łe ga drento dei alkałoidi: citixina, N-Metilcitixina, laburnina e laburnamina. Ste sostanse xe ła raxon deł'invełenamento da ègano.
Invełenamento da ègano [canbia]
Inteł'omo, ma no 'ntel conejo, ntel lievore e 'ntel cervo, i alkałoidi deł'ègano i intòsica i gangli sinpatici del sistema nervoxo , in maniera ke ghe someja ała nicotina, visto ke i se liga ai stesi recetori: prima stimołando e dopo portando ała paràłixi. I sintomi i xe: sgrìxołi, forte traspirasion, giramenti de testa e mal de testa 'nteła prima faxe, parałixi e arèsto del respiro 'nteła seconda. Par fortuna 'ntei òmeni ł'intosicasion ła xe acuta e ła fa vomitar tuto subito, di modo ke no se va avanti coł'asorbimento dei alkałoidi e tuta ła serie de disastri ke gavemo visto prima.
