Parietaria officinalis

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Veriola


TassoboxParietaria officinalis Cànbia el vałor in Wikidata

Cànbia el vałor in Wikidata
Tasonomia
SuperregnoEukaryota
RènjoPlantae
ÓrdeneRosales
FamejaUrticaceae
ZènareParietaria
SpeceParietaria officinalis

L., 1753


Ł'erba verioła (nome sientifego Parietaria officinalis) ła xe na pianta erbazea de ła fameja de łe Urticaceae , dita in inglexe wall pellitory, in todesco aufrechtes Glaskraut, in italian erba vetriola o muraiola. Ła se ciama cusì perkè na volta se doparava sta erba par netare fiaschi e botije de vero (varda el nome anca in todesco e in italian).

Ła crese de sołito su par i muri veci (da kua i altri nomi in inglexe e italian)o in tereni co tanto axoto. Sta pianta, alta dai 30 ai 80 cm, anca un metro e mexo a łe volte, ła ghe someja ał'ortiga, ma łe foje no łe ga i pełeti ke sbruxa, cusì ke kuando ke se toca ła verioła, non vien spisa nè gnente. El połine vien butà intrà marso e otobre. Ła verioła ła ga tanto potasio e ła vien doparà come diuretico dai erboristi (2-3 infusi al dì de do cuciari de foje sicà in un litro de aqua).

Ałergia a ła verioła[canbia | canbia el còdaxe]

Ła xe n'ałergia respiratoria al połine de verioła. Ła s-ciopa kuando ke'l połine xe in aria (fra marso e otobre) e ałora vien fora starnui, bruxor de oci e ataki de asma.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Parietaria_officinalis&oldid=1110362"