Val Riofredo

Da Wikipedia, l'ençiclopedia libara.
Jump to navigation Jump to search
Val Riofredo
Rejon:Flag of Veneto.svg Vèneto
ProvinsaVicensa
Altitudine: m s.l.m.
Poxision

Ła Val Riofredo ła xe in Veneto, 'ntełe Prealpi venete, provinça de Vicensa. Ła xe scavà dal torente Riofredo ke nase soto el monte Toraro e el monte Tormeno e ła va xo, da nord a sud, fra el monte Seługio a ovest e ł'altopian de Tonezza del Cimon a est, confluendo 'nteła Val Poxina in locałità Cornołò, fra ła Strenta e i Stancari.

Resti storici in Val Riofredo[canbia | canbia el còdaxe]

In località Cornołò, dove ke ła vałe finise, ghe xe i resti del forte de sbaramento tałjan Cornołò (prima guera modiałe), ke gaveva 4 canoni da 75 A in cupoła corasà e 4 postasion de mitrajere.

Flora[canbia | canbia el còdaxe]

In Val riofredo se trova el cornołaro, el castagno, el noxełaro, ła bredoła, el fagaro, el carpano moro e ł'onaro. Fra łe piante erbazee ghe xe łe ruse, el lovertin, i lanpon, el pisacan, ła maresina, i stropaculi, el ciclamin, łe pianełe deła Madona.

Fauna[canbia | canbia el còdaxe]

Mamìferi[canbia | canbia el còdaxe]

In val e sui monti rente se pol trovar el caoriol, el cervo, el cinghiałe, el lièvore, el martareło, el schirato, el ghiro e ła volpe.

Oxełi[canbia | canbia el còdaxe]

Ghe vive ła cornacia, el gavinel, el pigoso moro, ła soèta.

Bisi[canbia | canbia el còdaxe]

I xe el carbonaso e ła vipera

Pesi[canbia | canbia el còdaxe]

Kełe del Riofredo xe aque frede e tanto osigenà e partanto łe xe un otimo habitat par ła trota fario, el marson e el granso de aqua dolse.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Val_Riofredo&oldid=652815"