Utente:Ciaurlec/Sabionara7

Da Wikipedia, l'ençiclopedia libara.
Jump to navigation Jump to search

No me par che ghe sia criteri par definir un aboso. Penso che se se posa riferir a ƚe definision catae so ƚe altre wikipedie, magari adatandoƚe al fato che ƚa nostra ƚa xe na version co poca xente e donca anca ƚi articoƚi ƚi diventa pi' difisiƚi da sviƚupar par ben. PS: No so se sto tipo de discusion ƚa indava fata inte ƚa paxena de discusion de ƚa reƚativa categoria "Abosi - giografia", int'el caxo me scuxo e prego ƚi aministradori de spostar tuto ƚà.

Paxene xa prexenti so ƚa vec.wiki[canbia | canbia el còdexe]

Ajuto:Aboso Ajuto:Voxe da controƚare Ajuto:Voxe da jutare

Paxene che no ƚe pol eser de ƚi abosi[canbia | canbia el còdexe]

Difarensa intra paxena e articoƚo[canbia | canbia el còdexe]

Soƚo che ƚi articoƚi ƚi pol eser de ƚi abosi. Ƚe paxene che no ƚe xe articoƚi cofà categorie, ƚiste, modèƚi, paxene de dixanbiguasion, paxene utente, paxene de discusion, paxene de reindiriso... tute ste cua ƚe ga ƚi so propi modeƚi che ƚi pol esere uxai se ƚe fuse mancanti in calcosa. Nisuna de ste paxene ƚa pol esere un aboso.[1][2] Varda anca Ajuto:Voxe.

Difarensa intra articoƚi de disionario e de ensiclopedia[1][canbia | canbia el còdexe]

Anca se na "definision" ƚa podaria eser xa bastansa par cuaƚifegar un articoƚo almanco cofà aboso, xe da ricordarse che Wikipedia no ƚa xe un disionario. Ƚa distinsion intra un disionario e 'na ensiclpedia ƚa vien ben espresa da ƚa distinsion intra mension e uxo:

  • Un articoƚo de disionario el xe a proposito de 'na ugnoƚa paroƚa o fraxe e el pol vegnir espreso da pi' definision, anca difarenti.
  • Un articoƚo de ensiclopedia el trata el sogeto denotà da el titoƚo, ma el ga de soƚito 'na definision ugnoƚa (o a volte pi' definision che ƚe xe groso modo ƚe istese), el pol exister difarenti paroƚe o frasi che ƚo esprime[3].

In ƚinia xeneral el aboso el gavaria da eser bastansa articoƚà da definir in modo conpleto el titoƚo de ƚa voxe. Na voxe de ensiclopedia ƚa ga da descrivere el conceto o i fati riconprexi int'el termine che el fa da lemma, tentando de iƚustarghene ƚe cauxe, ƚi efeti e el contesto: no ƚa se ƚimita a na teƚegrafega definision.

Voxi par el wikisionario [4][canbia | canbia el còdexe]

Da finir de tradur

Paxene che ƚe podaria eser de ƚi abosi[5][canbia | canbia el còdexe]

Ƚi articoƚi utiƚi par ƚa Wikipedia [6]ƚi pol esere distinti in baxe a ƚa conpletesa de ƚa informasion che ƚi da in:

  1. Soto-abosi del xenere voxi da jutar
  2. Abosi
  3. Articoƚi normaƚi
  4. Articoƚi ben fati
    1. Articoƚi de cuaƚità
    2. Articoƚi da vetrina

Anca se ƚa ƚonghesa ƚa xe inportante, el bon senso el xe ƚa mejo maniera de identifegar un articoƚo, parché:

  • ghe xe articoƚi curti ma conpleti (p.e. so un spesifego asteroide), ma anca articoƚi ƚonghi e gnancora conpleti (p.e. so ƚa storia de ƚa arte)
  • el péxo in byte[7] el pol inganar sendo contai intra sti cua anca i byte reƚativi a imaxeni, tavoƚe, coƚegamenti.

Exenpi[8][canbia | canbia el còdexe]

  • Soto-abosi
'Na chitara ƚa xe un strumento a corde

Sta voxe no ƚa pol eser considerada un aboso visto che ƚa xe na sentensa ugnoƚa, pi' adata a un disionario. Ƚa podaria anca eser nominda par eser spostada.

  • Abosi
'Na chitara ƚa xe un strumento a corde. Ƚa se sona co ƚi déi o co el pletro. Ƚa paroƚa chitara ƚa xe de orixene persiana.

Sta voxe ƚa rientra inte ƚa definision minima de aboso. Saria utiƚe signaƚarla co el reƚativo avixo.

'Na chitara el xe un strumento a corde. Ƚa se sona co ƚi de i o co el pletro. Ƚa paroƚa chitara ƚa xe de orixene persiana; ƚa paroƚa persiana ''taar'' ƚa signifega "corda". Ƚe chitare ƚe ga xeneralmente sie corde.

Anca se ƚa ga pi' de tre fraxi sta cua ƚa xe 'n altra voxe che se ga da considerar cofà un aboso, no rivando a el livel de un articoƚo.

  • Articoƚi
'Na chitara el xe un strumento a corde. Ƚa se sona co ƚi de i o co el pletro. Ƚa paroƚa chitara ƚa xe de orixene persiana; ƚa paroƚa persiana ''taar'' ƚa signifega "corda". Ƚe chitare ƚe ga xeneralmente sie corde. Ƚa acordatura pi' comune ƚa xe (da el pi' alto a el pi' baso) EADGBE. Sta maniera ƚa xe un bon conpromeso intra ƚa fasiƚità de sonar molti acordi e ƚa posibiƚità de sonar na scaƚa co un xogo minimo de ƚa man sanca.

Sta voxe invese no ƚa pol pi' eser considerada un aboso, anca se se podaria racontar molto de pi' sora sto argomento. Cuà no se gavaria da meterghe el reƚativo avixo.

Soto-abosi[9][canbia | canbia el còdexe]

Ƚi soto abosi ƚi xe articoƚi che no ƚi sodisfa tuti e tre sti recuisiti:

  1. El articoƚo el xe contestuaƚixà par tema (cosa el xe), ƚogo (indove se cata) e tenpo( ƚa xe na definision atual)
  2. El articoƚo el fa veder ƚa inportansa de el so sojeto; se trata de un sojeto "ensiclopedico"
  3. El articoƚo el da almanco 'na informasion ulterior a cheƚe de ƚa contestuaƚixasion

Articoƚi cusì ƚi gavaria da eser signai co el modèl:A, e int'el secondo caxo anca co el modèl:E: El primo modèl categorixerà el articoƚo soto ƚa Categoria:Da jutare, che ƚa conprende tute ƚe voxi ensiclopedeghe ma indove ghe manca calcosa de inportante.

Voxi da jutar[10][canbia | canbia el còdexe]

Wikipedia no ƚa xe un contegnidor verto a cualsiasi roba: serti contributi no ƚi xe acetai. Se preferise no gaver 'na voxe, e magari riscriverla int'el futuro, pitosto che gaverghene una de poco conprensibiƚe, confuxionaria o estremamente curta. Inte ƚi caxi pi' estremi, ƚe voxi no ƚe se considera gnanca da jutar, ma ƚe vien scanceƚae imediatamente.
'Na voxe da jutar, cofà tute ƚe voxe normaƚi, ƚa ga da aver ste carateristeghe:

Ste voxi ƚa trata de un argomento riƚevante e ƚe xe potensialmente anpliabiƚi fin a diventar de ƚi abosi, ma se ƚa sistemasion no ƚa vien fata in tempi brevi ƚe pol vegnir scanceƚae.
Ƚe voxi da jutar prexenta un ƚiveƚo de cuaƚità atual de ƚa paxena, donca el contegnuo e ƚa formatasion de el testo prexente, masa baso rispeto a ƚe aspetative de Wikipedia; de soƚito sta carateristega ƚa se conpagna a ƚa estrema curtesa de ƚa voxe.

Par jutar[10][canbia | canbia el còdexe]

Ƚe voxi da jutar che ƚe xe xa stae signaƚae ƚe se cata inte ƚi vari rami de ƚa categoria:Da jutare. Se conseja de jutar par prime ƚe voxi inte ƚe categorie pi' vecie.

  • El xe sufisiente portar ƚa voxe a el ƚivel de aboso. Se pol jutar na voxe co un sforso picenin se se conose el sogeto tratà; se invese no el se conose miga, na breve riserca so ƚa rede ƚa pol fornir ƚe fonti necesarie.
    • Se ƚa se trata de na tipega voxe da gaƚepin, che no ƚa xe xa presente so el Wikisionario, ƚa se pol trasferir ƚà.
    • Discorso conpagno par voxi che se pol trasferir so Wikisource (poexie, canson etc.).
    • Se el problema ƚa xe ƚa so curtesa, ƚa voxe ƚa podaria eser tratada cofà aspeto secondario de 'na altra voxe, in 'particoƚar se el anpliamento el risulta difisiƚe. In sto caxo, ƚa soƚusion ƚa xe cheƚa de unir el testo a ƚa voxe prinsipal. Par exenpio 'na voxe sora un stabiƚimento FIAT ƚa se pol unir co ƚa voxe FIAT.
  • Se no podè comuncue jutar ƚa voxe, signaƚeƚa xontandoghe in sima el modèl:A
  • In alternativa se pol domandar ƚa scanceƚasion dopo 10 xorni da ƚa signaƚasion se se pensa che no sia el caso de jutarle.

Abosi[1][3][2][canbia | canbia el còdexe]

El aboso el xe un articoƚo che:

  • el trata de un sojeto de reƚativa inportansa, dando de ƚe informasion utiƚi
  • el xe masa curto par dar na coverdura ensiclopedega de el sogeto
  • el podaria eser slongà fasilmente

Voxi che no ƚe sodisfa sti uno o pi' de sti recuisiti ƚe pol vegnir scanceƚae (cheƚe miga ensiclopedeghe, co poche informasion che se posa verifegar), spostae so un altro projeto (voxi da gaƚepin, citasion) o unio co un altro articoƚo pi' riƚevante.

El ga da vegnir signaƚà co un modèl de avixo aposito.

Cuanto[1][3][2][canbia | canbia el còdexe]

Se ƚi abosi ƚi podese eser definii co precixion da ƚa dimension de el articoƚo coinvolto (mixurada in byte, carateri tipografeghi, paroƚe o fraxi), se podaria uxar de ƚi bot par segnar ƚi abosi e categorixarli in automatego, sinplifegando el ƚavoro de ƚi editori de Wikipedia.
Invese ƚa ƚonghesa minima par un aboso sufisiente e cheƚa masima oltre ƚa cual ƚa voxe no ƚa xe pi' un aboso ƚe varia a seconda de el argomento tratà:

  • 'na voxe che ƚa descrive un argomento miga conpleso, anca se breve ƚa podaria xa esere bastansa exauriente da no vegnir considerada un aboso.
  • al contrario, voxi xa bastansa anpie, ma sensibilmente carenti soto serti aspeti ritegnui fondamentaƚi par ƚa tratasion esauriente de el argomento ƚe pol vegnir segnae cofà abosi, anca se ƚi xe xa ƚonghi un par de paragrafi.

Donca anca se un controƚo cuantitativo el juta inte ƚa definision, xe inposibiƚe decider se un articoƚo el xe o no el xe un aboso soƚo che in baxe a ƚa ƚonghesa e ocore vaƚutar anca i contegnui (na verifiga co ƚa regoƚa de London-Croughton ƚa pol eser utiƚe). Ogni decixion ƚa ga da eser prexa da ƚi editori, ƚimitando el uxo de ƚi bot.

Cosa contar[1][3][2][canbia | canbia el còdexe]

Cuando se vaƚuta se un articoƚo el xe o no el xe un aboso, se ga da contar soƚo che fraxi o informasion scrite, e se esclude imaxeni, modèƚi sinotici e de navegasion, ƚiste de exenpi, coƚegamenti esterni e in xeneral tute staltre robe secondarie che ƚe se pol catar inte un articoƚo.
'Na ecesion se pol far int'el caxo de informasion mimime, indove par vaƚutar se ƚa voxe ƚa riva a ƚa condision de aboso, se pol considerar anca ƚe evetuaƚi informasion prexenti sora de ƚi modèƚi xontai a ƚa voxe.

Ƚimite co ƚi articoƚi normaƚi[1][11][canbia | canbia el còdexe]

No ghe xe na dimension definia a ƚa cual un articoƚo el finise de eser un aboso e taca a eser considerà un articoƚo normal, anca se durante ƚi ani difarenti editori ƚi ga sercà de definir de ƚi parametri de riferimento:

  • Articoƚi co pi' de diexe fraxi ƚi xe masa grandi par eser de ƚi abosi.
  • Articoƚi co pi' de 250 paroƚe ƚi xe masa grandi par eser de ƚi abosi.
  • So articoƚi co pi' de 500 paroƚe serti bot cofà AutoWikiBrowser ƚi scanceƚa el carteƚin de aboso.
  • Articoƚi co pi' de 1500 carateri de articoƚo prinsipal ƚi vien segnaƚar ƚi articoƚi uxai par "ƚo saveito che?", donca no ƚi pol eser de ƚi abosi.

Cosa[11][canbia | canbia el còdexe]

Se ƚa voxe contien soƚo che na ƚinia o ƚa ga serti paragrafi vodi ƚa xe sertamente un aboso.

Ƚimite co ƚi soto-abosi[12][11][canbia | canbia el còdexe]

Un aboso el ga da contegnir almanco

  1. un titoƚo scrito in graseto
  2. 'na definision de el sogeto "el/ƚa xe"
  3. un coƚegamento a altre paxene xa existenti
  4. informasion reƚative a el tipo de paxena "modèl aboso"
  5. categoria inte ƚa cual se incuadra el sogeto
  6. "wikidata"

Regoƚa de Croughton-London[2][canbia | canbia el còdexe]

Considera un articoƚo un poco pi' ƚongo de el aboso pi' comun (de un soƚo paragrafo), che el gabia magari tre paragrafi o in ogni caxo ƚongo manco de 'na schermada int'un computer portatiƚe. Se trata o no de un aboso? Speso ƚa risposta no ƚa vien tanto da el articoƚo isteso, cuanto da el so argomento. Un articoƚo picenin sora de un argomento reƚativamente picenin o miga inportante el vien considerà un aboso pi' difisilmente de un articoƚo de ƚa istesa ƚonghesa sora de un argomento molto pi' grando o pi' inportante.
Senplicemente xe fasiƚe che in un paexeto ceo ghe sia manco robe degne de nota che inte 'na cavedal de 'na grosa nasion. El articoƚo sora de Croughton int'el Northamptonshire, che un tenpo el gaveva soƚo che un par de curti paragrafi no el xe sta mai un aboso par via de ƚa so conpletesa riguardo a ƚa materia. Se el articoƚo sora de Ƚondra el fuse de ƚe istese dimension che ga deso Croughton, saria n'altro par de maneghe. Ƚondra ƚa xe na cavedal nasional, de primaria inportansa par i ultimi do miƚeni, e in serti periodi ƚa xe stada ƚa sità pi' inportante de tuto el pianeta. Un articoƚo restà de pochi paragrafi co che el jera int'una de ƚe prime version, saria sta un aboso de dimension inbarasanti.

Exenpi[3][canbia | canbia el còdexe]

Ƚe xe voxi che no ƚe pol andar ben, e a ris-cio de scanceƚasion, in cuanto no ƚe incuadra ben el sogeto e/o ƚa so importansa ensiclopedega:

-Ludwig II el xe sta un re bavarexe, calche d'un ƚo indega anca cofà Re de ƚe Fiabe. Vitima de 'na congiura, el xe sta asasinà.
-Joe Frazier (Beaufort, 12 de xenaro 1944) el xe un pugiƚe statunitense.
-Pompu el xe uno de i paexi pi' beƚi de el Mediteraneo.
-Se mi lasci ti cancello el xe un film comedia de el 2006.

Ƚi xe abosi che ƚi pol andar ben:

-Ludwig II (25 de agosto 1845 - 13 de xugno 1886) el xe sta re de ƚa Baviera (10 de marso 1864 – 13 de xugno 1886).
-Joe Frazier (Beaufort, 12 de xenaro 1944) el xe un pugiƚe statunitense. Inte ƚa cariera el ga vinto 'na medaja de oro a ƚe oƚinpiadi e el xe sta detentor de el titoƚo de campion de el mondo de i pexi masimi.
-Pompu el xe un comune de 303 abitanti de ƚa [[provinsia de Oristan]].
-Se mi lasci ti cancello el xe un film comedia de el 2006 de el regista Michel Gondry, prodoto e distribuio da ƚa Eagle Pictures.

Caxi spesifeghi[3][canbia | canbia el còdexe]

Par serte categorie de voxi, el xe posibiƚe che el projeto tematego corispondente el gabia dà de ƚe indicasion par jutar a definir ƚi ƚimiti masimi e mimimi de un aboso. Par exenpio:

Ani[11][canbia | canbia el còdexe]

Se ƚa voxe de 'na data o de un ano ƚa xe conpletamente voda, ƚa xe un aboso.
Ste voxi ƚe finise de esere de ƚi abosi co che tuti ƚi tre paragrafi "avenimenti, nasui, morti" ƚi ga almanco na ƚinia.

Biografie[3][canbia | canbia el còdexe]

Ƚe voxi bigrafeghe ƚe ga da conprender - oltre a data e ƚogo de nasita, e eventualmente de morte, e al canpo de atività int'el cual el sogeto de ƚa biografia el se ga distinto - almanco 'na fraxe che ƚa xustifeghe el inserimento inte 'na ensiclopedia, asenando a el motivo par el cual el personajo el ga da eser considerà riƚevante (int'el exenpio riferio a el paragrafo presedente el fato che Ludwig II el sia sta un sovran). Int'el caxo de personaji manco noti, de ƚi cuaƚi ƚa riƚevansa ensiclopedega no ƚa sia cusì evidente, ƚe se demanda invese de ƚe informasion pi' de detajo.

Par jutar[5][canbia | canbia el còdexe]

Se ti vol anpliar un aboso ghe xe na serie de strumenti che te pol jutar:

Articoƚi normaƚi[11][canbia | canbia el còdexe]

Un articoƚo el pol eser identifegà cofà "normal" (donca desbosà), anca se el contien poche informasion, a ste condision:

  1. el da na formuƚasion coerente (anca se minima) de ƚa voxe in cuestion, in particoƚar:
    1. no el ga paragrafi vodi
    2. el ga 'na imaxene (soƚo se ƚa se trata de 'na voxe co un coƚegamento a calcosa de visibiƚe, par esenpio na roba, na sità)
  2. el contien almanco un altro coƚegamento a un altro articoƚo. Varda anca Ajuto:Pajina orfana
  3. el xe sta categorixà. Varda anca Ajuto:Categorie
  4. ƚi so coƚegamenti interwiki ƚi xe stai ativai. Varda anca Ajuto:Interlink

Note[canbia | canbia el còdexe]

  1. 1,0 1,1 1,2 1,3 1,4 1,5 Stub
  2. 2,0 2,1 2,2 2,3 2,4 Croughton-London rule of stubs
  3. 3,0 3,1 3,2 3,3 3,4 3,5 3,6 Abbozzo
  4. Differenza fra un dizionario ed un'enciclopedia
  5. 5,0 5,1 Esbozo
  6. ghe xe anca paxene de el xenere articoƚo che no ƚe gavaria da star so ƚa Wikipedia (es. voxi miga ensiclopedeghe); in calche caxo podaria parò eser bone par calche altro projeto coƚegà (es. Wikisionario)
  7. varda ƚi strumenti che te pol jutar a catar de ƚi abosi
  8. Beginnetje
  9. Infraesbozo
  10. 10,0 10,1 Voci da Aiutare
  11. 11,0 11,1 11,2 11,3 11,4 Stub
  12. Ciot