Bon dì a tuti, mi me ciame Alvixe e son un toxo vèneto.
Bandiera vèneta da guera (me piaxaria ver cuea ofisial co'l łivro, ma so Wikipedia no ghe xe 'ncora.)
Son inamorà de ła me nasion vèneta co tute łe so carateristeghe, cultura, łengoa, tradision, istoria, identità, ecc... e pense che tuti i vèneti i dovaria ver ła posibiłità de conjosarle e donca amarle e esarne łigà, cofà mi. A crede anca che ła bona informasion ła sipia na roba inportante, e cusìta par dar na man anca mi a sti do canpi go tacà scrivar so Wikipedia, 'ndo che łe do robe łe se łiga insenbre.
Mi conjose Wikipedia da tanti ani e a go senpre pensà che el sipia un de i mejo siti so internet. A go tacà scrivar so Wikipedia da ła fin de'l 2017, prima sensa na utensa, po co na vecia utensa, ma me son rexistrà co sta utensa sol che da'l 2 de majo de'l 2020. Ła go creà pì de 100 paxene e go fat tante modifeghe.
