Taxus baccata

Da Wikipedia, l'ençiclopedia libara.
(Rimando da Tuja)
Jump to navigation Jump to search
Taxus baccata
Taxus baccata MHNT.jpg
Clasefegasion sientìfega
regnoPlantae
divisionPinophyta
classePinopsida
ordinePinales
famejaTaxaceae
gènareTaxus
speceT. baccata
Nomi comuni
pola de nass, tuja, àlbaro de ła morte


Taxus baccata MHNT seed.jpg

Ła poła de nass o tuja al è an àlbaro de 'l ordine de łe conifere, doperà da spes par far žiese ornamentai o cofà pianta da giardin.

Morfologia[canbia | canbia el còdaxe]

Portamento[canbia | canbia el còdaxe]

Ła Poła de nas ła xe on senprevert co na cresita lenta e par sto motivo in natura ła xe da spes on albaro pižol o on žieson de medie dimension, ma nte łe so condižion ideai ła pol donder i 10-20 metri de alteža; ła chioma ła è globosa e inregolar, co i ran basi.

Scorža[canbia | canbia el còdaxe]

La è de 'n maron che trà a 'l ross, da dovena la è slissa ma co la invecia la se sbrega in plache. I ran doveni i è verdi.

Foje[canbia | canbia el còdaxe]

Le foje le è lineari, an fià incurvade, longhe fin a 3 schei e de color vert scur par sora, pì ciare par sot; le è tacate te i ran co 'n andamento a spiral, in do file oposte. Le è tant velenose.

Fior[canbia | canbia el còdaxe]

La è na specie dioica. I fior mastci i è binadi in amenti, quei femena i va a far na pomèla. I se inpolina co 'l vent.

Fruti[canbia | canbia el còdaxe]

I fruti i è arilli e i gnen ciamadi "pomele de Pola de nass". Da crudi i è verdi, co i è fati i è rossi. I à inte na žiess dura e velenosa che a žacarla co i dent la mola fora an liquido che inžendt. La polpa inveže se pol magnarla. La è mola e dolža fa 'l miel. La gnen magnada da i osei, che cossì i porta in giro le žiess.

Legn[canbia | canbia el còdaxe]

Al legn, dà che al cress a pianpianet, al è serà e ligadiž, e co i ani al tenta de moerse poch. Al color al è gial dorà co i grop scuri. Par la so elasticità al gnea doperà de 'l Medioevo par far archi. Al dì de incoi ghe n'è diversi che i lo domanda par far cornisi o parti de mobili.

Anbiente[canbia | canbia el còdaxe]

La sta ben inte loch umidi e freschi, con tanta onbria, te n teren calcarei Preferisce i luoghi umidi e freschi, ombrosi, con terreno calcareo.

Difusion[canbia | canbia el còdaxe]

Al alre de difusion la conprende le zone da 'l Europa setentrional a 'l Africa de 'l Nord a 'l Caucaso. In Italia la ghe n'è pitost raramente in montagna. Inte te la Foresta Unbra de 'l Gargano ghe n'è diversi esenplari grandi.

Principi ativi[canbia | canbia el còdaxe]

Al principio ativo responsabile de la tossicità de ran, foje e žiess, aonde che al ghe n'è in percentual variabile tra 0.5 e 2%, al è an alcaloide, la tassina. Al à efeto narcotico e paralizante inte 'l on e te n tanti animai domestici. Le part che ghe 'n à de pì le è le foje vece. Da qualche diesina de ani è stat catà fora che ghe n'è an nantro principio ativo (al taxolo), in grado de inibir la mitosi de le cellule tumorai. Sta scoperta la à invià na prometente linea de svilupo de novi farmaci chemioterapici (i taxani).

Altre notižie[canbia | canbia el còdaxe]

Etimologia: el nome "albaro de a morte" el xe doperà tant nte ła pianura vèneta e el deriva da ła tosiçità de ła pianta.

Propagažion e coltivažion:la cress a pianpianet e la se propaga pi che sia par žiess o par talea. E' stat seležionà tante sort ornamentai. La Pola de nass la viu tanti ani e al è fadiga darghe na età parchè se vet poch i anei e tante olte in medo al legn al gnen bož.

Controło de autoritàGND (DE4151137-2
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Taxus_baccata&oldid=666618"