Spice Girls

Da Wikipedia, l'ençiclopedia libara.


Infotaula de personaSpice Girls

Cànbia el vałor in Wikidata
Atività
Canpo de laoro
Atività 1994 Cànbia el vałor in Wikidata –
ZènarePop, girl group (it) Traduzi, dance pop (it) Traduzi, teen pop (it) Traduzi e europop (it) Traduzi Cànbia el vałor in Wikidata
Targheta discogràfega
Eror Lua: callParserFunction: function "

[[Categoria" was not found.

Àlbun4
Àlbun stùdio3
Àlbun compilation1

Cànbia el vałor in Wikidata

Sito webthespicegirls.com Cànbia el vałor in Wikidata
IMDB: nm1381694



Rottentomatoes: celebrity/spice_girls


Allmovie: p237104


Metacritic: person/spice-girls
TV.com: people/spice-girls




Facebook place: spicegirls
Twitter: spicegirls
Instagram: spicegirls


MySpace: thespicegirls


Youtube: UCnGcCZ0hZT6WJxTUZJqtOMA



spicegirls




Souncloud: spice-girls-official
Spotify: 0uq5PttqEjj3IH1bzwcrXF


iTunes: 646793
Last fm: Spice Girls
Musicbrainz: bf0caafc-2b20-4e07-ab85-87e14ff430ce
Songkick: 102173
Discogs: 47109


Allmusic: mn0000008828














Łe Spice Girls ła ze na girl band britànega che se ga formà inte'l 1994 a Łondra. El grupo el ga otenjesto un gran suceso comersiałe, discogràfego e no, durante ła segonda metà dei ani Novanta, tałe da segnar l'imajinario cołetivo. A se trata del grupo femenin de major suceso de tuti i tenpi, co oltra 100 miłion de dischi vendesti.[1]

Łe sincue cantanti che łe conpone el grupo, Melanie Chisholm, Geri Halliwell, Victoria Adams, Emma Bunton e Melanie Brown łe ga reałizà el só sìngoło de debuto, Wannabe, inte'l 1996. Ła canson, restada par sete setimane in sìma a ła classifica britànega, ła ga łansà el grupo verso un suceso ben presto definìo «fenomeno intarnasionałe».[2] Łe Spice Girls łe ga reałizà in totałe 4 àlbun e 11 sìngołi. Soto ła guida del só manager, Simon Fuller, el grupo el ga anpiamente abrasà l'universo del merchandising, deventando, anca par cuesto, noto a łiveło globałe: łe Spice Girls łe ga prestà i propi volti a Pepsi, Polaroid e Sony, fra i altri.

David Sinclair, critico muzegałe ingleze, el ga afermà che «Scary, Sporty, Posh, Ginger e Baby ze stà i conponenti de un grupo pì conosùi globalmente dai tenpi de John, Ringo, Paul e George» e che el grupo ze stà un fenòmeno sosiałe che ga canbià ła mùzega popołar e ła cultura muzegałe»[3]. Dopo ver tocà ła sìma de łe clasifeghe britàneghe e mondiałi, promovesto el bomò «Girl power!» ('Potere alle ragazze!') fra i zovanisimi e zirà parfin un film che ha sbancà i i boteghini, tra el 1999 e'l 2001 łe Spice Girls łe ga invià projeti sołisti, parałełi a l'inpegno de grupo.

Geri Halliwell ła ga abandonò el grupo inte'l majo 1998, durante na inpenjadiva tournée mondiałe. Ła riunion del grupo, vołesta par darghe el sałudo definivito ai fan, inte'l 2007, ga visto parò ła partesipasion de l'intiera formasion oizenałe, inpenjada in un tour sełebrativo de 47 date, fra Europa, Canada e Stati Unìi.

Ła só sucesiva ezibision cofà grupo ła se ga desvolzesta durante ła serimonia de serada de łe Ołinpiadi de Łondra inte'l 2012: A ze stà uno dei apontamenti muzegałi pì "twittati" de ła storia[4]. Un novo tour inte i stadi inglezi, sensa Victoria Beckham, el se ga svolzesto a majo e zunjo 2019.

Storia[canbia | canbia el còdaxe]

1994-1995: łe orizeni[canbia | canbia el còdaxe]

El grupo el se forma inte'l 1994, cuando Bob Herbert e só fiòło Chris i mete un anuncio so'l cotidian ingleze The Stage, parchè intaresai a crerar un grupo pop tuto al femenin, so'l modeło de łe boyband che spopoła in chel pariodo, cofà i Take That. Inte'l marso del 1994, i do i mete el anuncio drìoman: «Are you street smart, extrovert, ambitious and able to sing and dance?» ('Sìo sprezudegae, estroverse, anbisioze e capasi de cantar e de bałar?')[5].

Sentinere de toze responde a l'anuncio, ma ne vien sernìe soło sìncue: Geri Halliwell, Melanie C, Melanie B, Victoria Adams e Michelle Stephenson. Łe forma cusì un grupo ciamà Touch[5] e łe va viver tute insenbre in una caxa a Maidenhead. Inte i do mezi drìo łe Touch łe rejistra vari demo ai Trinity Studios inte łe visinanse de Woking. Drìoman, parò, Michelle deside de abandonar el grupo par inconprension co i altri conponenti o, come che sostien in tanti, par sèitar vanti i só studi.

Suito dopo l'abandon de ła Stephenson, A se serca na sostituta: vien sernìa ła disdotene Emma Bunton, drìo sujerimento de Victoria. Ła rotura co i Herbert avien inte'l marso 1995: dełuze da l'atejamento inte i só confronti e in dezacordo so łe sielte artìstegh inposte, łe sincue łe łasa ła Heart Management che łe geveva descoverzeste. Łe se indirisa a Elliot Kennedy e łe se unise a ła 19 Management de Simon Fuller[6].

Durante l'istà de chel'ano łe toze łe se propone a numaroze etichete discogràfeghe, e inte'l setenbre del 1995 łe firma un contrato co ła Virgin Records. Da chel momento, łe taca scrivar testi e a rejistrar łe canson del só àlbun de debuto, vanti de sfondar, l'istà sucesiva.

1996-1997: El primo àlbun, Spice[canbia | canbia el còdaxe]

L'8 de łujo 1996, łe Spice Girls łe pùblega el só primo sìngoło, Wannabe, in Europa; el rełativo video entra in rodasion so numarozi canałi muzegałi. Inte l'isteso meze, łe rełasa ła só prima intarvista a Paul Gorman, zornałista de ła rivista Music Week (co ła cuała Boy George el ga scrivesto ła só segonda autobiografia, Straight), inte ła sede prensipałe de ła Virgin Records, a Łondra. El sìngoło el vien publegà anca inte i USA l'ano sucesivo e łe razonze vendite record. Razonzendo infati ła pozision nùmaro 11 de ła clasifega dei Billboard Hot 100, a chel tenpo deventa el pì alto debuto de un artista britànego (o comuncue non merican) inte łe clasifeghe statunitensi, batendo el presedente record razonzesto dai Beatles co I Want to Hold Your Hand[6], che gaveva razonzesto ła pozision nùmaro 12. Wannabe razonzarà presto anca ła prima pozision inte i Billboard Hot 100, restandoghe par cuatro setimane.

El sìngoło el deventa un suceso mondiałe, razonzendo el primo posto inte łe clasifeghe de 31 paezi. Contenporaneamente, łe toze łe vien recensìe dal zornałe muzegałe Top of the Pops Magazine, che ghe confarìse a łore i stòreghi soranomi: Ginger Spice a Geri, parchè retegnesta ła pì provocante, Posh Spice a Victoria, parch+ senpre atenta a ła moda, Scary Spice a Melanie B, par el só carater ezuberante, Baby Spice a Emma, parché ła ze ła pì zòvane e parchè ła ga na imàjine tanto infantiłe, Sporty Spice a Melanie C, parché ła ze ła sportiva del grupo. El suceso de ła band ze stà par zonta confrontà a ła Beatlemania[7].

El 4 de novenbre 1996, łe Spice Girls, note anca cofà Spice, łe pùblega el só primo àlbun, aponto intitołà Spice, in Gran Bretagna e inte'l resto d'Europa, e el deventa un suceso sensa presedenti. In 'pena sete setimane, el vende 1,8 miłion de copie inte ła soła Gran Bretagna[8], deventando el disco da łe vendite pì vełosi dai tenpi dei Beatles. In totałe, el vende 3 miłion de copie inte ła soła Gran Bretagna[8], el resta al nùmaro 1 de ła clasifega britànega par 15 setimane (non consecutive), vendendo un totałe de 8 miłion de copie in tuta l'Europa[9]. L'ano drìo, el long playing vien publegà inte i USA, indove el deventa el disco pì vendùo del 1997, vendendo 7 miłion de copie e deventando 7 volte disco de platino[10]. Dopo el sìngoło d'ezordio, Wannabe, i altri sìngołi publegai i ze Say You'll Be There e 2 Become 1, respetivamente vegnesti fora a otobre e a disenbre.

Łe razonze entranbe łe sìme de numaroze clasifeghe, tra cui cueła britànega, onde ła ballad 2 Become 1 ła vinse ła bataja dei sìngołi del pariodo de nadal. I ùltemi estrati da l'àlbun, inte ła primavera del 1997, i ze Mama e Who Do You Think You Are?. Łe do canson łe vien fora so un ùnego sìngoło doppio lato A, che razonze anca eło ła sìma de ła clasifega britànega[6], ma no'l vien publegà inte i USA, par parmetar de sincronizar łe publegasion sucesive tra l'Europa e l'America. In partegołar, Who Do You Think You Are? vien sfrutà par ła canpagna de beneficensa Comic Relief. L'isteso ano, łe inagura un novo canałe tv britànego, Five. Senpre inte'l 1997, łe Spice Girls łe ze ospiti a l'interno de serti programi itałiani cofà Domenica in, Fantastico e al Festival de Sanremo 1997.

1997-1998: el segondo àlbun Spiceworld, Spice Girls - Il film e l'abandon de Geri Halliwell[canbia | canbia el còdaxe]

El 4 de novenbre 1997, ezatamente un ano daspò el primo, l'è stà publegà el só segondo àlbun, Spiceworld, antisipà dal sìngoło Spice Up Your Life. Co st'altro sìngoło, el grupo decide de sincronizar i ritmi di publegasion inte i USA co'l marcà europeo, co'l rezultado che ła canson riva in Merìca cuando 2 Become 1 el ze ancora tanto programà. L'àlbun, grasie anca al suceso del primo sìngoło estraesto, che razonze ła posizision nùmaro 1 in numarozi paezi, deventa suito un bestseller, vendendo 7 miłion de copie in do setimane. Tutavia, łe Spice Girls łe scominsia a risever łe prime critiche, soratuto da l'America, che łe acuza de soraespozision e no łe aprova ła sielta de łe toze de publegar el só segondo àlbun 'pena 12 mezi dopo el primo.

Nonostante ste critiche, tutavia, el gruppo sevita a èsar el grupo pop pì vendùo anca inte'l 1997 e inte'l 1998, ano in cui A vien fora i sucesivi sìngołi estraesti dal segondo àlbun, Stop e Viva Forever, presedesti da ła ballata Too Much, che parmete a łe Spice Girls de vinser el difisiłe marcà de nadałe par el segondo ano consecutivo. Tuti i sìngołi i ga un notevołe suceso e i razonze el Nùmaro 1 de ła clasifega britànega, via che Stop, che se ferma al Nùmaro 2.

Inte'l zunjo del 1997, in zonta, łe Spice Girls łe gaveva scominsià a zirar el film Spice Girls - Il film (tìtolo orizinałe: Spiceworld: The Movie), direto da Bob Spiers, un film indove łore łe interpreta se istese e dove che ze stà raprezentà el spirito del grupo. Venjesto fora inte łe sałe inte'l disenbre del 1997, el film, che'l recorda el film A Hard Day's Night dei Beatles par i só contenjùi coomici, concuista i boteghin nadałisi, vadanjando, al łiveło mondiale 100 miłion de dołari, intrà i incasi sinematogràfeghi e cuełi provenjenti da łe vendite del film in VHS e, drìoman, in DVD[11]. Tutavia, el film el riseve tante critiche e 5 nomination ai Razzie Awards, tra cui cueła vinsesta da łe toze cofà «pezo atora protagonista»[12]. Ła cołona sonora del film ła ze conponesta dai brani contenjùi inte'l segondo àlbun, Spiceworld.

El 7 de novenbre 1997 el só manager, Simon Fuller, dà łe dimision, spenzesto soratuto da Geri Halliwell e Melanie B che in chel parìodo łe par contendarse ła leadership del grupo, par via de dizacordi tra łu e łe toze. Da chel momento, łe toze łe spartise i conpiti par autozestirse: Mel B el se ocupa de ła zestion de l'iminente tour, Geri Halliwell de ła sponsorizasion, Emma Bunton del parsonałe, Mel C de ła rezistrasion, de ła sielta dei sìngołi e de ła distribusion, e Victoria Adams del merchandising. Inte i primi mezi del 1998, parte el Spiceworld Tour, conposto da 105 date mondiałi, che fa el tuto ezaurìo inte łe bilietarìe. Inte'l majo del 1998, in zonta, łe consede na intarvista, inte ła cuała łe dichiara che łe ze za drìo preparar el só terso àlbun, che se sarìa discostà asè dai presedenti. Modeło:Cita nesesaria

Poche setimane drìoman, invese, Geri no ła se prezentarà a łe ùlteme do tapee europee del tour, a Oslo, in Norvezìa, e łe altre toze łe zustifega ła só asensa co na grastroenterite, mentre sèita farse senpre pì serte łe notisie revardanti l'abandon del grupo da parte de Ginger, voze che łe se reveła fondàe el 31 de majo 1998, cuando Geri Halliwell ła dichararà a ła stanpa: «Purtropo A go da confermar che go łasà łe Spice Girls parchè ghe gera masa difarense tra de nialtri. A son segura che'l grupo continuarà a ver suceso e ghe auguro a łore tuto el mejo»[13].

Ła notisia ła deventa una de łe pì inportanti revardanti l'intratenjimento de cuel'ano a tal ponto da provocar el cròło de łe asion de ła caza discogràfega EMI.[14]. Ła notisia ła fa vełosemente el ziro del mondo; tutavia inte łe setimane sucesive a l'abandon i do àlbun del grupo i rezistra na inpnenada vertizinoza de łe vendite, ricołogandose entranbi ai primi posti de łe clasìfeghe (Spiceworld, da setiman venjesto fora da ła clasìfega itałiana dei àlbun, el razonzarà de balso ła segonda pozision).


1998-1999: el sìngoło Goodbye e łe prime espariense sołiste[canbia | canbia el còdaxe]

Łe toze restàe, dichiarandose tanto tristi par l'abandon de l'amiga, łe anuncia che no łe desfarà el grupo e che łe seitarà a łaorar isteso ai stesi projeti, come ła partesipasion al Pavarotti & Friends. Tutavia, l'ipòtezi de un àlbun live, rezistrà dal tour, no'l ga sèguito, cusì come no va in porta na rechiesta de cołaborasion co ła Disney. Durante el tour merican, łe cuatro łe rezistra el sìngoło Goodbye, che razonze ła sìma de ła clasìfega de numarozi paezi e deventa el só terso sìngoło de nadałe al nùmaro 1, egualiando cusì el record presedentemente otenjùo soło dai Beatles. El sìngoło otien un suceso strepitozo, in partegołar modo in Canada, dove che deventa una de łe canson sìnboło dei ani novanta, restando in sìma a ła clasìfega par ben 16 setimane.

Ła canson ła gavea come argomento l'abandon de ła Halliwell. Inte'l documentario Spice Girls - Giving You Everything, reałizà inte'l desenbre 2007 par ła BBC, Emma Bunton afferma "We talked about Geri leaving with Goodbye" ("A gavemo parlà de l'abandon de Geri in Goodbye").[15] Comuncue durante el Reunion Tour del 2007-2008 Geri ła ga cantà in tute łe parte corałe de ła canson, cuesto el fa pensar che in realtà anca eła ła gavese partesipà a ła conpozision inisiałe del brano [Fonte nesesària]

. El 1999 el senja l'invio de varie espariense sołiste par tute łe Spice Girls, Halliwell incluza. Mel C, ad ezenpio, ła pùblega, el 18 de otobre de cuel'ano el só primo àlbun, intitołà Northern Star, el cuało el otien un otimo suceso comersiałe e el ga vendesto suparzó 4.000.000 de copie in tuto el mondo.

1999-2000: el terso àlbun Forever e el siolimento provizorio[canbia | canbia el còdaxe]

Ła łaorasion del terso àlbun, par cui A vien coinvolzesti i pì blazonà produtori R&B mericani (Rodney Jerkins e Jimmy Jam & Terry Lewis, fra i altri), ła inisia ofisialmente inte l'agosto del 1999, ai Abbey Road Studios de Łondra, mentre a desenbre, come a suplire ła mancansa del cuarto sìngoło de nadałe, łe toze łe intraprende un mini-tour, denomenà Christmas in Spiceworld, che fa el tuto ezaurìo, cofà el presedente. Dopo alcuni dischi sołisti (tuti pìtosto fortunai, ma non al łiveło dei sucesi de grupo) e n'altro Brit Award a ła cariera par el contributo a ła mùzega britànega inte'l mondo (łe ghe n'a vinsesti in tuto 4), el 6 de novenbre del 2000, łe Spice Girls łe pùblega el só terso àlbun, Forever, presedùo da'l sìngoło doppio lato A Holler/Let Love Lead the Way. Al contrario de l'àlbun, che'l gavarà un suceso desizamente infarior respeto ai presedenti łaori, el sìngoło el otien un bon suceso, parmetendoghe a'l grupo de azudegarse el nono sìngoło al Numero 1 so i primi 10 publegai.

L'àlbun el viene scarsamente promovesto da ła stesa band, che ła se divide par prezentar el łaor contenporaneamente in vari continenti; par ezenpio, Emma e Victoria łe prmove el disco in Nord Merìca, mentre łe do Melanie łe ło publisiza in Europa. L'àlbun el vende 'pena 4 miłion de copie, un rezultado netamente infarior respeto a łe vendite dei presedenti long-playing. Non a cazo, i sìngołi sucssivi, za pianifegai par ła publegasion, Tell Me Why, Weekend Love e If You Wanna Have Some Fun, no i usirà mai, a cauza de'l sscarso intarese de łe tosze a sèitar el projeto Spice Girls, doramai inpenjàe so altri fronti, onjuna seguìndo ła propia strada. Alcune copie promosionałe de sti sìngołi mai reałizai i ze tutora in sircołasion e i ze sojeti da cołesionizmo. Inte'l desenbre del 2000, łe conponenti łe anunciano un siolimento "a tenpo indetarminà" par consentrarse so łe propie cariere sołiste, sotołineando che ła separasion no ła ze definitiva.

2007-2008: ła reunion, el Greatest Hits e'l The Return of the Spice Girls[canbia | canbia el còdaxe]

A partir dal 2005, A scominsia a sircołar voze so na posibiłe reunion del grupo. In ocazion del Live 8, Bob Geldof el gaveva invità el grupo a partesipar a l'evento, ma Melanie B ła gavea negà ła só disponibiłità par inpenji tełevizivi. Inte'l łujo del 2007, łe Spice łe jera stà invitàe anca al Concert for Diana, in memoria de ła prensipesa Diana Spencer, ma anca in st'altra ocazion el grupo no'l partesipa, par via de ła graviansa de Emma Bunton. Inte l'isteso parìodo, parò, A se riva a un acordo e el 28 de zunjo 2007 A vien anunsià ła reunion.

Łe Spice Girls durante un concerto a Las Vegas

Spetando l'usida del novo àlbun, i fans del gruppo i organiza na mobiłitasion so Internet, co'l nome de "Stop to the Top", che'l se pone l'obietivo de portar al nùmaro 1 de ła clasìfega britànega el sìngoło Stop, venjesto fora inte'l 1998, l'ùnego a non aver razonzesto ła prima pozision in cueła clasìfega. I fans de tuto el mondo, inte ła setimana dal 2 a l'8 de łujo, i descarga el brano da tuti i siti de download, che i vien conteazài insenbre a e vendite fìzeghe par stiłar ła clasìfega britànega. L'inisiativa parò ła fałìse, portando el sìngoło soło a ła pozision Nùmaro 78.

El 9 de novenbre 2007 A vien publegà ła prima rancura de łe Spice Girls, senplisemente intitołada Greatest Hits, che ła contien łe canson de major suceso del grupo e do inediti: Voodoo e Headlines (Friendship Never Ends), sìngoło estraesto da l'àlbun e publegà in download el 5 de novenbre. El brano el ze na bałada, conpanjada da un video che'l ze stà censurà da ła BBC, poiché el retraeva łe sinque cantanti in atejamenti sexy. El sìngoło, publegà pochi zorni dopo anca inte i negosi, el ze stà abinà a ła raprezentasion de benefisensa Children in Need e tuto el recavado el ze stà devołesto in benefisensa. L'acołiensa dei fans ła ze stà comuncue tanto tìvia: el sìngoło infati non soło no'l ze riusìo a eguałiar i record dei presedenti, ma el se ga pozisionà soło undezèzemo inte ła chart dei sìngołi britàneghi, non riusindo njanca ad entrar inte ła top ten. Mejo sorte ła ze tocada a l'àlbun, disco de platino inte'l Renjo Unìo e in Austrałia (dove e Spice łe ga razonzesto ła sima par ła prima volta) e d'oro inte i USA, Canada, Braziłe e Nova Zełanda, vendendo inte'l mondo sìrca 2 miłion de copie. In Itałia, el sìngoło el ga razonzesto ła segonda pozision (sima pì alta inte'l mondo insieme a ła Spanja), mentre l'àlbun el se ga pozisionà ła prima setimana a ła vintèzema pozision.

A conpanjar l'usida de l'àlbun, łe Spice Girls łe se ga ezibìe in un tour mondiałe, denomenà The Return of the Spice Girls, che'l ze partìo el 2 de desenbre 2007 da Vancouver e el se ga revełà el vero trionfo de 'sta riunion. Tutavia el sito ofisiałe de łe toze el ga rełasà, in data 1º de febraro 2008, un comunegà indove A venjiva diramà ła desizion de antisipar ła fine del tour al 28 de febraro, scansełando de fatto łe date de Sud Amèrega e Azia, e zontandoghene de nove inte i Usa e in Gran Bretanja. El The Return of the Spice Girls tour, inisialmente conponesto de 11 date, grasie a ła altisima rechiesta da parte de'l pùblego che traverso el sito ofisiałe el proava de vadanjarse un bilieto, el ze stà zlargà fin a tocar ben 47 date, i cui bilieti i ze andài łetaralmente ezaurìi, a tal ponto da stabiłir un novo record grasie a ła prima tapa łondineze devenjesta sold out in sołi 38 segondi e da èsar deventà el segondo tour pì łucrozo de'l 2007.

Le Spice Girls nel 2008

Inte'l parìodo de Nadałe, łe Spice Girls łe ga riprendesto a vestir anca i pani de testimonial, 'sta volta de ła nota càena ingleze de suparmarcà Tesco. A ze venjeste fora do varsio de'l spot, inte łe cuałe łe Spice, in tenjùa de nadal e in formaado famejar, łe zoga so i só rołi co spontaneità e co na bona rata de autoironia. Inte'l marso 2008, Melanie C ed Emma łe ga riitrà, inte ła serimonia de consenja dei Capitol Awards, el premio cofà icone de tuti i tenpi. El 2 de apriłe 2008, dopo setimane de inatività, el sito ofisiałe de'l grupo l'è stà ajornà, co ła notisia che no A venjarà publegà nesun DVD de'l tour mondiałe. 'Sta notisia ła ga portà serti siti, come Facebook, Bebo e YouTube, a firmar na petision mondial par ła distribusion de ła varsion DVD. El 3 de zunjo 2008, Mel B, Emma e Geri łe ga prezensià ai Glamour Award, organizài da l'omònema rivista, par ritirar el premio cofà mejo grupo de l'ano.

El 19 de setenbre 2008 łore łe ga resevesto el premio par el Mejo Concerto de Ritorno de'l 2008 al Live Vodafone Music Awards, batendo grupi come i Led Zeppelin e i Sex Pistols. El premio el ze stà ritirà da Emma Bunton. The Return of the Spice Girls el ze stà premià anca inte ła categoria Top Boxscore da l'edision 2008 dei Billboard Touring Awards.[16] Ancora n'altro premio el ze stà vinsesto da'l grupo ai BRIT Awards inte'l 2010, cuando che ghe ze stà asenjà a łore ła vitoria inte ła categoria speciałe "Mejo performance ai BRIT Awards dei ùltemi trent'ani".[17]

2010-2012: Viva forever, el musical e l'ezibision a łe Ołinpiadi 2012[canbia | canbia el còdaxe]

Łe Spice Girls co łe ze drio cantar a ła serimonia de serada de łe Ołinpiadi de Łondra de'l 2012

El 21 de zenaro 2010, Judy Craymer, creadora de'l musical e de'l film Mamma mia!, bazà so łe canson dei ABBA, ła ga rivełà de èsar al łaoro a un musical so łe Spice Girls intitołà Viva forever, cofà el titoło de una de łe canson de'l grupo. El musical el ze stà pensà non come na sełebrasion de łe sincue toze, ma el propone na storia nova bazada so łe canson de'l grupo e co un cast che'l venjarà desidesto da łe sincue cantanti.[18][19]

Ła senejadura ła ze stà afidà a Jennifer Saunders, che ga za cołaborà in pasà co'l grupo. Ła prezentasion ofisiałe ła ze avenjesta el 26 de zunjo 2012 inte l'hotel łondineze St. Pancras (indove che se A ga zirà el video de Wannabe), mentre ła prima de'l show l'11 de desenbre 2012. Ad entranbi i eventi ga partesipà łe sincue toze de'l grupo.

El 12 de agosto 2012 łe Spice Girls łe se riunise par cantar a ła serimonia de serada de łe Ołinpiadi che łe se ga zvolzeste a Łondra. Le cantanti si esibiscono con due dei loro più grandi successi: Wannabe e Spice Up Your Life, davanti ad oltre un miliardo di telespettatori in mondovisione; è uno degli eventi più twittati della storia.[20]

2018-in corso: da novo co Simon Fuller, el novo tour e Spice25[canbia | canbia el còdaxe]

Łe Spice Girls łe se ezibise a Manchester inte'l 2019

Inte'l febraro 2018 łe Spice Girls łe ga diramà, prima so Instagram e po' traverso un comunicato stanpa, ła notisia de èsar tornàe a vałutar "nove oportunidà" par el grupo, dopo che łe se ga riunìe e che łe ga firmà tute e sincue un contrato co el só manager orizenario, Simon Fuller. L'obietivo dichiarà da'l grupo el ze cueło de "continuar a trazmetar, anca a łe future zenerasion, el nostro mesajo de empowerment femeniłe".[21][22][23] Inte'l novenbre 2018 el grupo el ga anunsià un novo tour dei stadi inglezi, che'l se dezvolzerà a majo e zunjo 2019, ma che no A vedarà ła partesipasion de Victoria Beckham. Łe date de'l tour, che łe ciapa rento tre serade a'l stadio de Wembley, łe ze andàe ezaurìe in pochi menuti.

El 13 de zunjo 2019 A ze stà riferìo che el presidente de ła Paramount Animation Mireille Soria ła ga dà el via łìbara a un film d'anemasion bazà so'l grupo, co el ritorno de tute e sincue łe conponenti. El film reimaginarà el grupo come suapareroine e el gavarà, oltra a nove canson, anca i sucesi de'l pasà.[24]

Par sełebrar el 25º aniversario de Wannabe, inte'l łujo 2021 A ze stà publegà un EP de'l singoło de debuto de'l grupo che includeva demo inedite. El 1º de setenbre 2021, łe Spice Girls łe ga anuncià na spesiałe riedision de Spice par sełebrar el vintisincuenio de'l grupo, da'l titoło Spice25. Ła ristanpa comemoradiva, publegada el 29 de otobre 2021 co drento remix, demo e brani inediti,[25] el ga razonzesto el 5º posto inte ła clasifega clasifega britànega dei àlbun.[26]

Formasion[canbia | canbia el còdaxe]

Ex Conponenti

Discografia[canbia | canbia el còdaxe]

Par savèrghene de pì, vardarse ła voxe Discografia de łe Spice Girls.

Àlbun in studio[canbia | canbia el còdaxe]

Rancure[canbia | canbia el còdaxe]

Filmografia[canbia | canbia el còdaxe]

Tour[canbia | canbia el còdaxe]

Notasion[canbia | canbia el còdaxe]

  1. Spice Girls has sold over 100 million records worldwide:
    Ginger leaves the Spice Girls; langue=en; année=2008
    of which 80 million records between 1996 and 1998
  2. Haywood, John. In tutto, hanno venduto oltre 100 milioni di copie dei loro album. Citazione di «fenomeno internazionale» come 'international phenomenon' Archivià il 3 novembre 2012 Data inte l'URL no conbazante: 3 de novenbre 2012 in Internet Archive. . Billboard. URL consultata il 22 giugno 2007.
  3. Sinclair, David (2004), Wannabe: How the Spice Girls reinvented Pop Fame, Londra, Omnibus Press, p. X. ISBN 0-7119-8643-6.
  4. (EN) Spice Girls break Tweets-per-minute record at #London2012 - Our Social Times - Social Media for Business, in Our Social Times - Social Media for Business, 14 de agosto 2012. entrada il 10 de setenbre 2018.
  5. 5,0 5,1 BBC News. Just an ordinary couple?. British Broadcasting Corporation. URL consultata il 25 dicembre 2007.
  6. 6,0 6,1 6,2 The Spice Girls; Cripps, Rebecca; & Peachey, Mal (1997), Real Life: Real Spice - The Official Story, Londra, Zone Publishers. ISBN 0-233-99299-5
  7. Dawson, Ryan. Cambridge University. Beatlemania and Girl Power: An Anatomy of Fame Archivià il 20 settembre 2006 Data inte l'URL no conbazante: 20 de setenbre 2006 in Internet Archive.
  8. 8,0 8,1 BPI. Database certificazione vendite UK. BPI=British Phonographic Industry. URL consultata il 10 marzo 2006.
  9. IFPI. Certificazione vendite europee per l'album Archivià il 6 marzo 2006 Data inte l'URL no conbazante: 6 de marso 2006 in Internet Archive. Spice. IFPI=International Federation of Phonogram and Videogram Producers. URL consultata il 10 marzo 2006
  10. RIAA. Database certificazione vendite USA. Archivià il 28 de febraro 2007 in Internet Archive. RIAA=Recording Industry Association of America. URL consultata il 10 marzo 2006.
  11. Sito ufficiale Spice Girls Archivià il 21 agosto 2009 Data inte l'URL no conbazante: 21 de agosto 2009 in Internet Archive. . URL consultata il 23 novembre 2007.
  12. IMDb. Spiceworld: The Movie awards. IMDB=The Internet Movie Database. URL consultata il 12 marzo 2006.
  13. BBC News. Articolo che conferma la partenza di Geri Halliwell. BBC=British Broadcasting Corporation. 31 maggio 1998. URL consultata il 17 novembre 2007.
  14. Articolo in cui si parla di un sondaggio in cui la partenza di Geri Halliwell viene votata la storia più interessante dell'anno, al livello di intrattenimento, negli USA Archivià il 3 novembre 2012 Data inte l'URL no conbazante: 3 de novenbre 2012 in Internet Archive. . Rivista Billboard. URL consultata il 14 marzo 2006.
  15. Documentario Spice Girls: Giving You Everything URL consultato il 6 luglio 2010.
  16. Springsteen, Chesney Rule Billboard Touring Awards
  17. Diego Santoferrara, Brit Awards 2010: i vincitori, in delrock.it, 17 de febraro 2010, pp. 37. entrada il 17 febbraio 2010.
  18. Spice Girls musical gets green light at last | Mail Online
  19. The Times | UK News, World News and Opinion
  20. Spice Girls break tweets per minute record at London 2012 Archivià il 30 de otobre 2021 in Internet Archive.
  21. Victoria Beckham Instagram Spice Girls Reunion
  22. Spice Girls annunce plans to explore new video
  23. Victoria Beckham Confirms Spice Girls Reunion
  24. (EN) The Spice Girls are getting an animated movie — and all five members are on boardcbsnews.com, 19 giugno 2019. entrada il 22 febbraio 2021.
  25. (EN) Emma Kelly, Spice Girls are back to spice up our lives by re-releasing debut album for 25th anniversarymetro.co.uk, 1º settembre 2021. entrada il 3 settembre 2021.
  26. (EN) Official Album Chart Top 100officialcharts.com, 5 novembre 2021. entrada il 21 febbraio 2022.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Spice_Girls&oldid=1162539"