Popołarismo

Da Wikipedia, l'ençiclopedia libara.
Don Luigi Sturzo inte el 1950

El popolarismo xe na dotrina pulitega sentrista e cristiana democratega, ideada da Don Luigi Sturzo. La xe sta l'ideoloxia primaria del Partio Popolare Italian, e dopo de la Democrasia Cristiana. El se distingue dal cristianesimo sociale, dal conservatorismo sociale e no'l va confuxo col popułismo.

Drento el Cristianexemo democratego, se costuma ciamarse <<Partio Popolare>>, cusì tanto che el partio cristian democratego eoropeo el se ciama Partio Popołare Eoropeo. Tutavia in xeneral existe anca paexi andove no ghe xe na forte conponente cristian democratega e i tende ver poxision pì laiche e liberali su tematiche sociali a difarensa de le poxision pì conservatrisi dei cristiani democratisi e i difende poxision comunitarie, identitarie e de autonomia nasional rispeto a l'universałixmo catolego.

Le espresion "popolare" o "del popolo" in sto contesto le ga do significai difarenti: el primo dixe l'idea che i partii cristian democratisi i garia da cercar de far star ben tuti i menbri de la società, al contrario de ideoloxie o partii che tende promovare el ben de on solo toco de la società, osia de na clase, el secondo se rifarise a na società andove le persone le vive in paxe e dove le persone e i grupi i xe interesai a la cura i uni da che altri.

A livel economego, el popołarismo se rifà a l'economia social de marcà derivada da la dotrina social de la cexa catolega, osia, el se baxa so la cooperasion e la colaborasion tra le clasi sociali e no so l'antagonismo tra ste qua e difendendo tanto la propietà privada cuanto el stato social. De fati, chi che segue sta teoria, in particolare inte le so incarnasion drento el Partio popolare italiano e de la Democrasia Cristiana, i vien ciamai <<Popolari>> o pì de comune <<Catolisi>>.


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Popołarismo&oldid=1027995"