Pigmei

Co se parla de i pigmei no se intende on unico popolo. I pigmei i xe varie etnie che le ga in comun la strutura morfologica picoleta – i no xe pi alti de 150 cm -, la cultura de "raccoglitori-cacciatori", e de frecuente i condivide cepi lengoistici. I pigmei i xera i privi veri abitanti de l’Africa e i se ga dovù spostar verso el sud o altre aree marginali soto la presion demografica de i bantu e de i nilotici co questi i ga scominsià le loro migrasioni verso el sud. I pigmei i xe normalmente pacifici e invese de combatar par el loro teritorio, i ghpreferio sempre scampar via. El termine pigmeo vien dal greco, pygmaioi, e dal latin, pygmaei, che vol dir la distansa tra el gombio e le noche de la man. El xera usà par riferirse a zente de basa statura. En te la mitologia greca el termine el xera usà par i nani che vegnea da l’Etiopia. Par questi motivi, e par l’uso negativo longo i secoli, el termine pigmeo el pol esar ofensivo. El xe sempre mejo parlar de i vari grupi pigmei usando el so nome propio. Qua e ne le altre vose de la wikipedia se usa el termine pigmeo solamento co el signifegà generale de popoli autoctoni africani.

Origini[canbia | canbia el còdaxe]

No ghe prove tra i ricatamenti de i paleontologi che i pigmei de ancò sia i direti disendenti de i caciatori-racoglitori de l’età de la piera africana. Questa parò la xe la teoria pi seguida da i studioxi. Vari grupi de pigmei i usa lo steso vocabolario anca se i parla lengoe diverse, segno de vegnar da n’origine comun. I pochi studi de genetica i indica che alcuni grupi i xe tanto antichi – par esempio i mbuti – ma che altri i no xe radicalmente difarenti da le popolasioni bantu che vive rente de lori. I geni responsabili par la basa statura i xe diversi da popolasion a popolasion. Sto fato el indica che no tuti i pigmei i ga on lineagio antico, el pol esar anca na mutasion recente de grupi bantu.

Distribusion geografica[canbia | canbia el còdaxe]

Se cata pigmei in quasi tuta l’Africa a sud del Sahara, specialmente inte l’Africa Sentrale e Meridionale. No se cata popolasioni pigmee in tel l’Africa Orientale, co esclusion de picoli grupi in Uganda, Burundi e Tanzania. Se cata, parò, testimonianse de la loro presensa in tel pasà da la leteratura orale e da i nomi de corsi d’acqua e de montagne.