Piataforma San Marco

Da Wikipedia, l'ençiclopedia libara.
La piataforma de lancio San Marco.

La 'Piataforma de lancio San Marco la ospita el Centro Spasiale Luigi Broglio. La piataforma la se cata 32 km a nord de Malindi, Kenya, e la xe na inportante baxe spasiale italiana a l’estero. La base la xe proprietà de l’Università La Sapiensa de Roma e la xe gestia da l’Agenzia Spaziale Italiana.

Da la baxe San Marco i xe stà lancià en te lo spasio 23 sateliti dal 1966 al 1988. Voci non confermate le dixe che i lanci i xe stà de pì e che qualchedun el xe stà de sateliti militari italiani o eoropei. Ancò la baxe la serve a rilevare el traciato de i sateliti en orbita. La baxe la serve le agensie eoropee e quela cinexe. Resentemente ghe stà la proposta de verzar l’uxo de la baxe a i paexi africani.

Baxe a tera[canbia | canbia el còdaxe]

El Sentro el ga na baxe terestre rente de Malindi, a 2,99 gradi sud. La pozision de proximità a l’equatore el xe on vantagio par far partir i razi. El acordo tra el governo italiano e quelo kenyano parmete el lancio, rilevamento e acquisision dati dai sateliti. La baxe la xe stà ideà dal profesore Luigi Broglio e la xe stà dedicà a lu en tel 2001, ano de la so morte.

Piataforme sul mar[canbia | canbia el còdaxe]

La baxe la dispone de tre piataforme marine. La prima la se ciama San Marco. Da qi se efetua i lanci. Le altre do lese ciama Santa Rita 1 e Santa Rita 2 e le serve par la rilevasion de i dati so e da i sateliti.

Ligature foreste[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Piataforma_San_Marco&oldid=1094771"