Pallade Veneta

Da Wikipedia, l'ençiclopedia libara.


Pallade Veneta
frontespisio de l'edision del meze de otobre 1687
StatoRepùblega de Venèsia
Łénguałéngua italiana
Fondasion1687



















































Pallade Veneta ła ze stà na revista periòdega, pubregada a Venesia, che ła ga sircołà sensa continuidà da’l 1687 a’l 1751. Ła se ga conservà mìa conpleta fin al dì de ancò e anca in vari formati.[1]
Pubregà onji meze, ła ze rivà a solche a 17 nùmari (da’l zenaro 1687 fin a’l majo 1688). Oltre che èsar stà pubregà a Venesia e ver reportà notisie da chełe bande, ła ga trazmetesto notisie ravardanti anca altri łoghi parché ła sità łagunare ła jera na zona stratèzega pa’l scanbio de informasion. Daspò che ła só stanpa ła se ga fermà, Pallade Veneta ła ga continuà in forma de na serie de foji setemanałi ciamài avvisi, a dir comunegài econòmeghi, połìteghi e miłitari. Łe copie che łe ze restàe no łe ze continue, e par sto motivo ancò l’è defìsiłe recostruir na cronołozìa conpleta de sta pubregasion.[2]
El periòdego el podéa tratar anca łe temàteghe rełijoze in zenerałe, ma sensa nar rento spesìfeghe fegure. Par ezenpio ła sełebrasion de łe feste łetùrzeghe ła ze un argomento asè prezente, cusì come i sermoni. L’aspeto pì inportante de l’edision stanpada de ła revista ze stà el só stiłe de scritura ezuberante, na caratarìstega che no ła se cata mìa so łe edision manoscrite. Cofà altri mensiłi, sto tipo de pubregasion łe podéa catar łe notisie so i avvisi manoscriti e daspó łe sarìa stà ełaboràe drio łe sensibiłidà parsonałi de chi che’l scrivéa.
Coel che’l resta de i manoscriti (sora de tuto tra i ani 1698-1704, 1714-1717, 1739-1751) el se ga pian pian fogałizà so’l sostenjer el pansiero de autorità rełijioze che łe restéa anòneme. Inte i ùltemi ani de pubregasion A se pol catar ciaramente el senso de pesimizmo che’l gavéa ciapà Venesia intorno a łe metà de’l ‘700.

Note[canbia | canbia el còdaxe]

  1. I giornali esistenti in Italia fino al 1796
  2. Selfridge-Field, Eleanor. Pallade veneta: Writings on Music in Venetian Society, 1650-1750. Venice: Fondazione Ugo e Olga Levi, 1985.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pallade_Veneta&oldid=1113240"